Өскеменде коммуналдық сала цифрлық жүйеге көшті

Өскеменде энергетика, тұрғын үй-коммуналдық шаруашылығы және экология саласы цифрлық жүйеге көшті. Барлық жұмысты өңірлік аналитикалық орталықтың IT-мамандары бақылап отырады. 

Жылу электр станцияларының техникалық көрсеткіштері ортақ серверге жиналып, онлайн режимде талданады. Сонымен қатар жол тазалау жұмыстары да цифрлық жүйеге ауысты. Коммуналдық қызмет көліктеріне орнатылған GPS-датчиктер мен камералар қызметті бақылайды. 

Қаладағы бес мыңнан астам бейнебақылау камерасы қоғамдық тәртіпті ғана емес, коммуналдық ұйымдардың жұмысын да қадағалайды. «Ақылды жүйе» логикалық ойлауға бейімделген-дейді мамандар. Инфрақұрылым жүйесіндегі барлық өзгерісті қалт жібермейді. Қысым мен температураны бақылауда ұстайды.

Бұл панель арқылы біз өңірдегі барлық жылу көздерін көре аламыз. Әрбір қазандық пен ЖЭО жеке қарастырып, температура, қысымды бақылауға мүмкіндік бар.

Басқа өңірлердегі жылу электр станциялары да цифрлық форматқа көшеді.  Жобаны Энергетика министрлігі қолдады. Мұнда IT-мамандар коммуналдық және жедел қызметтердің деректерін жинайды. Азаматтардан түскен өтініш бірыңғай базаға енгізіліп, тиісті мекемелерге жолданады.

Гүлназ Ахметова, Цифрландыруды дамыту бөлімінің басшысы:

- Талдау орталығының аясында біз автоматты режимде цифрландыру құралдарының арқасында біз мониторинг жүргізе аламыз.Ауа сапасының жағдайы қалай болғанын, жылу көздерінің жағдайы қалай екенін. Гидродатчиктер орнатылды.

Өңірлік аналитикалық орталыққа 25 экологиялық датчик қосылған. Енді өнеркәсіптік кәсіпорындардың зиянды шығарындылары мен ауаның ластануын нақты көрсетеді.

Елена Әбілова, «Өскемен тынысы» экологиялық қорғау бюросының жетекшісі:

- Біз жергілікті атқарушы орган өкілдерімен және экологиялық қоғамдастықпен тығыз байланыстамыз. 550 миллион теңге қаржы бөлініп, өңіріміздің барлық аудандарында 25 датчик орнатылды. Мұндай жұмыс еліміз бойынша алғаш рет жасалып отыр.

2026 жылы Өскеменде ақылды дрондар іске қосылады. Арнайы камералармен жабдықталған құрылғылар қаланың тыныс-тіршілігін бақылайтын арнайы ортақ жүйеге қосылады.

Авторлары: Рүстем Қайратұлы,Вячеслав Ветлугин, Дмитрий Пыхтин