ЖСДП коммуналдық сала мамандарының өзекті мәселелерін көтерді

Жезқазғанда «Жалпыұлттық социал-демократиялық партиясы» (ЖСДП)  Ұлытау облыстық филиалы тұрғын үй-коммуналдық шаруашылығы және көгалдандыру саласының қызметкерлерімен кездесу өткізіп, ашық диалог жүргізді, - деп хабарлайды Aikyn.kz сайты ЖСДП-ның орталық сайлауалды штабының баспасөз қызметіне сілтеме жасап. 

Кездесу ЖСДП-ның сайлауалды үгіт-насихат науқаны аясында ұйымдастырылып, конструктивті диалог барысында қатысушылар саланың ең өзекті мәселелерін талқылады. Коммуналдық сала мамандары өздерінің тәжірибелерімен бөлісіп, жұмысты ұйымдастырудағы жүйелі қиындығын атап өтті.

Сонымен қатар, көрсетілетін қызметтердің сапасын арттыру, қалалық инфрақұрылымды жаңғырту және қоғамдық кеңістіктерді абаттандыру бойынша нақты ұсыныстарын білдірді.

Талқылаудың негізгі тақырыптары мыналар болды:

• Еңбек жағдайлары мен әлеуметтік кепілдіктер: сала қызметкерлерінің қауіпсіздігін қамтамасыз ету, еңбекақыны әділ төлеу және жұмыс жағдайын жақсарту;

• ТҮКШ жүйесінің тиімділігі: шаруашылықты басқару тәсілдерін жаңарту және ашықтықты қамтамасыз ету;

• Мемлекетпен өзара іс-қимыл: уәкілетті мемлекеттік органдар, мамандар мен қоғам арасындағы диалогты дамыту.

Кездесуге қатысушылар түйткілді мәселелерді шешу тек қосымша қаржыландыруды емес, сонымен бірге жұмысты ұйымдастыру тәсілдерін түбегейлі қайта қарауды талап ететінін атап өтті.

Ең маңызды ұсыныстар ТҮКШ және қалалық ортаны дамыту саласындағы шешімдерді қабылдау кезінде ескеру үшін құзыретті мемлекеттік органдарға жолданады.