Атырауда тыйым салынған жерде суға түспек болған мас адам тоқтатылды

Атырауда полиция қызметкерлері тыйым салынған жерде суға шомылуға оқталған мас ер адамды тоқтатты.

Құқық бұзушы бейнебақылау камерасының көмегімен анықталды, деп хабарлады қалалық полиция басқармасы.

Оқиға 27 шілдеде сағат 13:15 шамасында Смағұлов және Атамбаев көшелерінің маңындағы жағалауда орын алған. Жедел басқару орталығының операторлары суға қарай бет алған ер адамды байқап, ақпаратты жақын маңдағы полиция экипажына хабарлаған.

Оқиға орнына жеткен қызметкерлер қала тұрғынын тоқтатып, жеке басын анықтау және медициналық куәландырудан өткізу үшін облыстық наркологиялық орталыққа жеткізді.

1985 жылы туған ер адам қоғамдық орында мас күйінде жүргені және абаттандыру ережелерін бұзғаны үшін әкімшілік жауапкершілікке тартылды.

Полиция өкілдері тыйым салынған әрі қауіпті орындарда суға түсу қайғылы оқиғалардың басты себептерінің бірі екенін еске салады. Құқық бұзушылықтарды анықтау және қоғамдық қауіпсіздікті қамтамасыз ету мақсатында қала бейнебақылау камералары мен дрондар арқылы тәулік бойы бақылауға алынған.

Посмотреть эту публикацию в Instagram

Публикация от Атырау Қаласы Полиция Басқармасы (@police.atyrau.06)

Бүгін, 11:37