Атыраудағы мемлекеттік балалар стоматологиясы жеке қолға берілмек

Атырау облысындағы жалғыз мемлекеттік балалар стоматологиялық емханасына тендер жарияланып, кейін жеке меншікке берілмек.

Атырау облысындағы жалғыз мемлекеттік балалар стоматологиялық емханасы жекешелендіру тізіміне енгізілді. Бұл бастама өткен жылы облыстық Бәсекелестікті қорғау және дамыту агенттігінің департаменті тарапынан ұсынылған. Үкімет қаулысымен бекітілген тізімге сәйкес, емхана тендер арқылы жеке меншікке берілмек.

Балалар стоматологиясының алдағы сатылымы туралы өткен жылдың күзінде белгілі болды. Емхананы жекешелендіруге жататын нысандар тізіміне енгізу бастамасы Бәсекелестікті қорғау және дамыту агенттігінің облыстық департаментіне тиесілі (үкімет қаулысымен бектілген). Сол кезде хабарланғандай, емхананы бәсекелестік ортаға беру басқару тиімділігін арттыруға, нысанды жаңғыртуға, бюджетке түсетін жүктемені азайтуға және қызмет сапасын жақсартуға мүмкіндік береді.

Алайда бұл емхана – бүкіл Атырау облысындағы жалғыз мемлекеттік балалар стоматологиясы. Денсаулық сақтау басқармасының дерегіне сәйкес, ол жыл сайын 80 мыңнан астам баланы қабылдайды. Емхана шығынсыз жұмыс істейді, қарызы жоқ және жыл сайын пайда әкеледі. Мәселен, өткен жылдың соңында табыс көлемі 12,3 млн теңгені құраған. Бұл қаржы ақылы қызметтер мен міндетті әлеуметтік медициналық сақтандыру (МӘМС) аясындағы қызметтер есебінен түскен.

Тендердің нақты қашан өтетіні белгісіз. Облыстық денсаулық сақтау басқармасының басшысы жақында брифингте, егер емхана сатылса, жаңа балалар стоматологиясын облыстық балалар ауруханасы базасында ашу мүмкіндігі қарастырылатынын айтты.

Айта кетейік, Қазақстанда тағы алты мемлекеттік балалар стоматологиялық емханасы бар және олардың барлығы жекешелендіру тізіміне енгізілген. Осыған байланысты республикалық БАҚ-тың хабарлауынша, Денсаулық сақтау министрлігі стоматологиялық ұйымдарды бұл тізімнен шығару туралы ұсынысты Үкімет басшысына жолдауды жоспарлап отыр.

Лев ГУЗИКОВ

Сурет: maps.yandex.com

Бүгін, 12:46