Атыраудағы президенттің бұрынғы резиденциясының құрылысы неге ұзаққа созылды

Бұл кешен 2023 жылы коммуналдық меншікке беріліп, облыстық білім беру басқармасына қарасты Дарындарды анықтау және қолдау орталығының балансына өтті. 

Фото: Атырау облысы әкімдігі Фото: Атырау облысы әкімдігі

Тасқын салдарынан аумақты құрғату, қорғаныс бөгетін және су бұру арналарын салу, сондай-ақ жобалық құжаттарға өзгерістер енгізу қажеттілігі туындаған. Осыған байланысты құжаттарды қайта рәсімдеу мен келісу жұмыстарына айтарлықтай уақыт кеткен.

Фото: Атырау облысы әкімдігі Фото: Атырау облысы әкімдігі

— Нысан аумағында кешенді қайта жаңғырту және жаңа құрылыс бойынша құрылыс-монтаж жұмыстары жалғасып жатыр.Тасқыннан кейін аумақты құрғату жұмысы жүргізілді. Қайта су баспау үшін бөгет пен су бұру каналы салынды. Инженерлік қорғаудың жаңа талаптарын ескере отырып, жобалық құжаттарға елеулі өзгерістер енгізілді. Бұл жұмыстың барлығы қосымша уақытты талап етті, — деп мәлімдеді облыстық әкімдіктің баспасөз қызметі.

Фото: Атырау облысы әкімдігі

Әкімдіктің ресми ақпаратына сүйенсек, қазіргі уақытта оқу орталығы, үш жатақхана мен галерея ғимараттарының іргетасы мен қабырғалары толық аяқталған, шатыр жабу жұмысы 80 пайызға орындалған. Әкімшілік-медициналық орталық пен асхана ғимараттарының іргетасы толық құйылып, қабырғаларының басым бөлігі тұрғызылған. Визит-орталықтың құрылысы да жалғасып жатыр. Ал бассейннің негізгі бетон жұмыстары толық аяқталған.

— Сонымен қатар, жабық спорт залының, трибуналары бар ашық стадионның, гараждың құрылысы қатар жүргізіліп жатыр. Бұдан бөлек, қолданыстағы ғимараттар қонақ үй, конференц-зал, жаттықтырушылар үйі, үйірмелер корпусы, күзет бекеті және серверлік бөлме ретінде қайта бейімделіп жатыр, — деп толықтырды облыс әкімдігінің баспасөз қызметі.

Фото: Атырау облысы әкімдігі Фото: Атырау облысы әкімдігі

Жалпы жаңғырту жобасының құны 5 млрд теңге.

Фото: Атырау облысы әкімдігі Фото: Атырау облысы әкімдігі Фото: Атырау облысы әкімдігі

Айта кетейік, жалпы бұл жоба аясындағы жұмыс өткен жылы аяқталуы тиіс еді. Енді облыс билігі резиденцияны жаңғырту жұмысын осы жылдың соңына дейін аяқтауды жоспарлап отырғанын мәлімдеді.

Фото: Атырау облысы әкімдігі

Былтыр Алматыда Президент резиденциясының орнына саябақ салынған еді.