Australian Open: Александр Бублик тарихи нәтижеге қол жеткізді

Қазақстандық теннисші үшінші айналымда әлемдік рейтингіде 62-орындағы аргентиналық Томас Мартин Этчеверримен жолықты. Тура бір сағатқа созылған бірінші партияда Бублик қарсыласын тай-брейкте тықсыра білді – 7:6 (7:4).

Екінші сетте де Александр тай-брейкте есесін жібермеді – 7:6 (7:5). Үшінші партияны Бублик брейкпен бастады – 2:0. А.Бубликке осы брейк жеткілікті болды – 6:4.

Екі сағат жарымнан астам уақытқа созылған тартысты бәсекеде А.Бублик 21 эйспен бірге 4 брейк-пойнттың біреуін өз есебіне жазды. Этчеверри 10 эйс жасағанымен, 3 брейк-пойнтын пайдалана алмады. Осылайша, А.Бублик жаңа жылдағы жеңіс сериясын 7 матчқа жеткізді. Мұның алдында ол Гонконг ATP 250 турнирінің жеңімпазы атанған еді.

Сонымен қатар А.Бублик барлық төрт «Үлкен дулыға» турнирінің 1/8 финалына өткен алғашқы қазақстандық теннисші атанып, тарихи нәтижені тіркеді.

Александр Бублик ширек финалға шығу үшін әлемнің 6-ракеткасы, аустралиялық Алекс де Минормен таласады. Ол үшінші айналымда әлемнің 34-ракеткасы, америкалық Фрэнсис Тиафоны жолдан тайдырды – 6:3, 6:4, 7:5.

Еске сала кетейік, бұдан бұрын Аустралия ашық чемпионатында Елена Рыбакинаның екінші жеңісіне қол жеткізгенін жазған едік.

Аустралия чемпионатында Юлия Путинцева алғаш рет төртінші айналымға өтті.

Анна Данилина келесі айналымға жолдама алды.