Ауыл партиясы Құрылтай сайлауына қатысатын кандидаттардың тізімін бекітті

АСТАНА, 6 шілде - Sputnik. "Ауыл" партиясы сайлауалды бағдарламасын, Құрылтай депутаттығына кандидаттардың тізімін және саяси кеңестің жаңа құрамын бекітті.

Астанада 6 шілдеде "Ауыл" партиясының кезектен тыс XXVI съезі өтті. Съезд жұмысына Қазақстанның 20 өңірінен 200 адам қатысты. Делегаттардың 30,4%-і - ауыл шаруашылығы саласының өкілдері. Жалпы қатысқандардың 73,2%-і - ерлер, 26,2%-і - әйелдер.

© Photo : Страница партии "Ауыл" в соцсетях Астанада 6 шілдеде "Ауыл" партиясының кезектен тыс XXVI съезі өтті.

Астанада 6 шілдеде "Ауыл" партиясының кезектен тыс XXVI съезі өтті.

© Photo : Страница партии "Ауыл" в соцсетях

"Құрылтай депутаттығына ұсынылған кандидаттардың жалпы саны 69 адам. Оның 71%-і - ер адам, 29%-і - әйелдер. Сонымен қатар үміткерлер арасында мүгедектігі бар 6 адам ұсынылды. Үміткерлердің көпшілігі 56,5%-і 35 пен 55 жас аралығындағы адамдар. 25 пен 35 жас аралығындағы үміткерлердің үлесі - 14,5%", - деп хабарлады "Ауыл" партиясы.

Съезд делегаттары бірауыздан "Ауыл" партиясының сайлауалды бағдарламасын, Құрылтай депутаттығына кандидаттардың партиялық тізімін және партияның саяси кеңесінің жаңа құрамын бекітті.

"Ауыл" партиясының сайлауалды бағдарламасы 4 негізгі аспектіден, өңірлерді дамытудың 7 бағытынан тұрады, оның ішінде азық-түлік қауіпсіздігі, инфрақұрылым және әлеуметтік саясат, білім және ғылым, экология және дәстүрлі отбасылық құндылықтар мәселелері", - делінген хабарламада.

© Photo : Страница партии "Ауыл" в соцсетях Астанада 6 шілдеде "Ауыл" партиясының кезектен тыс XXVI съезі өтті.

Астанада 6 шілдеде "Ауыл" партиясының кезектен тыс XXVI съезі өтті.

© Photo : Страница партии "Ауыл" в соцсетях

Партияның сайлауалды бағдарламасы үшін арнайы құрылған цифрлық платформаға 75 мыңнан астам ұсыныстар мен сұраулар келіп түскен.

Партияның саяси кеңесінің жаңа құрамы 29 адамнан тұрады. Оның 48,2%-і ауыл шаруашылығы саласынан, 13,7%-і білім беруден, сондай-ақ қаржы, экономика, бизнес және тағы басқа салалардың өкілдері бар.