​Axios: Иран келіссөздердің екінші кезеңіне қатысуға келісім берді, Вэнс Исламабадқа ұшпақ

Америкалық Axios басылымының дерегіне сүйенсек, АҚШ вице-президенті Джей Ди Вэнс Иранмен соғысты тоқтату жөніндегі ықтимал келісімге қатысты келіссөздер үшін Пәкістан астанасы Исламабадқа барады, деп хабарлайды BBC.

Иран әзірге ресми түрде қатысатынын жарияламағанымен, басылым дереккөздері Жоғарғы көшбасшының келісімі алынғанын хабарлады. Axios жазғандай, дүйсенбі күні Ақ үй Тегераннан келіссөздерге команда жіберетіні туралы белгі күткен.

Келіссөздердің кешігуіне Ислам революциясы сақшылары корпусының қысымы себеп болғаны айтылды. Олар АҚШ-тың Ормуз бұғазындағы блокадасы тоқтатылмайынша келіссөздерге бармауды талап еткен.

CNN дереккөздері екінші раундтың 22 сәуірде өтуі жоспарланғанын хабарлады. Алайда жағдай тұрақсыз күйде қалып отыр: тараптардан қатаң мәлімдемелер әлі де жасалуда.

Трамп бұған дейін келісім «жақын арада» жасалатынын мәлімдеген. Бірақ АҚШ-тың Иран сауда кемесін ұстап, Тегеранның әскери жауап беруге уәде етуі жағдайды күрделендірді.

Пәкістан, Мысырт және Түркия делдалдары Иранды келіссөздердің екінші кезеңіне қатысуға шақырып отыр.

Ормуз бұғазының жабық болуы әлемдік мұнай нарығына елеулі әсер етуде. АҚШ пен Израильдің Иранға қарсы әскери әрекеттері энергия бағасының күрт өсуіне алып келді.

Бүгін, 16:08