Аяз беті қайтты Қазақстанда күн +28 градусқа дейін жылынады

"Қазгидромет" синоптиктері 18, 19 және 20 сәуірге арналған ауа райы болжамын ұсынды, деп хабарлайды Tengrinews.kz. тілшісі.

"Қазгидромет" синоптиктері 18, 19 және 20 сәуірге арналған ауа райы болжамын ұсынды, деп хабарлайды Tengrinews.kz. тілшісі.

Метеорологтардың мәліметінше, скандинавиялық антициклон сілемі Қазақстанның солтүстігінде, шығысында және орталығында жауын-шашынсыз, қалыпты суық ауа райын сақтап тұрады, алайда ауа массаларының алмасуына байланысты температура біртіндеп көтеріледі деп күтіледі.

"Елдің батысы мен оңтүстігінде ауа райы тұрақсыз болады, найзағай ойнап, жаңбыр жауады, оңтүстік облыстардың таулы аймақтарында жаңбыр мен қар түрінде жауын-шашын болып, жел күшейеді деп болжанып отыр. Республика бойынша түнде және таңертең тұман түседі", - делінген хабарламада.

Күндіз термометр бағандары Қазақстанның батысында, солтүстігінде, орталығында 15-23 градус жылыға дейін, шығысында 10-18 градус жылыға дейін, оңтүстігінде және оңтүстік-шығысында 17-28 градус жылыға дейін көтеріледі.

Синоптиктер Қазақстандағы 2026 жылдың мамырына арналған консультативтік ауа райы болжамын жариялады. Мамандардың мәліметінше, еліміздің басым бөлігінде күн әдеттегіден жылы, ал жауын-шашын мөлшері әртүрлі деңгейде болады. Толығырақ мына жерден оқыңыз.