Азаматтар өзінің сайлау учаскесін eGov Mobile және арқылы тексере алады

Дауыс беретін қажетті пунктті eGov Mobile мобильді қосымшасы мен GOV.KZ порталында бірнеше қадамды орындап табуға болады.

eGov Mobile мобильді қосымшасы мен GOV.KZ порталының басты беттерінде «Референдум» арнайы баннері орналастырылған. Баннерге өткеннен кейін пайдаланушы сайлау учаскесін тексеру сервисіне өтеді, онда ол өзінің ЖСН-ін және өңірін көрсетуі қажет. Деректер енгізілгеннен кейін жүйе автоматты түрде сайлау учаскесінің нөмірін, өңір мен ауданды, сондай-ақ дауыс беру орнының нақты мекенжайын көрсетеді.

Сондай-ақ осы бетте «Жиі қойылатын сұрақтар» бөліміне сілтеме қолжетімді, онда азаматтар референдумға қатысты пайдалы ақпаратты таба алады.

Айта кетейік, Алматы аумақтық сайлау комиссиясының төрағасы Айгүл Қалыкова үйде дауыс беру мен бекіту куәлігін алудың тәртібін түсіндірді.

Орталық референдум комиссиясы 21 шетелдік байқаушыны аккредиттеді.