Ажырасу тікелей еркекке байланысты... : Бағлан Әбдірайымов отбасы құндылығы туралы айтты (видео)

Әнші, «Жігіттер» квартетінің мүшесі Бағлан Әбдірайымов Kezdesu бағдарламасына берген сұхбатында ажырасу мәселесі туралы пікір білдірді, – деп жазды Aikyn.kz.

Оның айтуынша, отбасының берік болуы ер-азаматқа тікелей байланысты. Сонымен қатар отбасын сақтап қалу үшін ең алдымен сабыр керек және қолда бар дүниеге қанағат ету маңызды.

«Отбасы берік болу үшін сабыр мен қанағат керек. Ұл да, қыз да үйленгенге дейін басқа болады. «Үйлену қоңай, үй болу қиын» деп сол үшін айтады. Өйткені жарыңның өміріңде көрмеген мінезі шығып, бет пердесі ашылады. Адам ашуға берілгенде неше түрлі қылықтар, эмоция шығып кетеді. Ондай кезде сабыр керек. Сабырдың артында даналық, кешірім жатыр. Барға қанағат кетіп, сабырлық таныту маңызды. Одан кейін мақсаты бір болу керек. Мақсат екі түрлі болса, бірге өмір сүре алмайсың. ...Мақсат деген ағамыз «Жақсы еркектен әйел кетпейді»дейтін. Жігітшілікке салатын болсақ, ажырасу тікелей еркекке байланысты. Адамның жаманы жоқ. Жігіттердің көбісі ренжіп қалатын шығар. «Әйелім анадай, мынадай» деп. Бірақ бәрі тікелей еркекке байланысты. Әйел адам еркекке аманат. Аманат қылып алғаннан кейін жөнге келтіру керек. Әйелге шамасы келмегеннен кейін ажырасулар болып жатыр. Жігіттерде мінез басымырақ болу керек деп ойлаймын», – деді Бағлан Әбдірайымов.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.