Азия чемпионаты: Қазақстан қоржынына бір күнде 7 медаль түсті

АСТАНА, 5 маусым – Sputnik. Түркістан қаласында өтіп жатқан жастар арасындағы ескек есуден және параканоэдан Азия чемпионатында қазақстандық спортшылар бір күнде 7 медаль жеңіп алды, деп хабарлайды Sputnik Қазақстан.

Бүгін – чемпионаттың екінші күні. Таңғы финалдар кезінде Қазақстан командасының қоржынына 2 алтын, 4 күміс пен 1 қола медаль түсті.

Алтын медаль иегерлері:

Дмитрий Холмогоров (байдарка U23 1000 метр);

Стелла Суханова (байдарка U23 1000 метр).

Күміс жүлдегерлер:

Полат Төребеков (каноэ U23 1000 метр);

Мария Бровкова (каноэ U23 1000 метр);

Богдан Носиков (каноэ U18 1000 метр);

Тимофей Таранов (байдарка U18 1000).

Ал 18 жастағы Анна Емельяненко байдаркамен 1000 метр қашықтықта қола жүлдені қанағат тұтты.

Айта кетері, кешке дейін тағы бірнеше қашықтықта ақтық жарыстар өтеді.