Азық түлік қауіпсіздігі арта бермек

Биыл Азық-түлік қауіпсіздігі жөніндегі Ислам ұйымы (АҚИҰ) Ауғанстанға арналған азық-түлік қауіпсіздігі бағдарламасын кеңейтіп, «Адамзат үшін ұн – Газадағы төтенше жағдайға үндеу» бастамасын іске қосты. Ұйымның өзге де істерін Үкімет, Парламент, дипломатиялық миссиялардың, халықаралық ұйымдардың, ғылыми-сараптамалық қауымдастықтың, сондай-ақ серіктес ұйымдардың өкілдері Азық-түлік қауіпсіздігі күніне арналған дөңгелек үстел басында талқылады.

Жиында АҚИҰ Бас директоры, елші Берік Арын ел Үкіметі мен қазақ халқына тұрақты қолдауы мен қонақжайлығы үшін алғыс білдіріп, Ұйымды қабылдаушы мемлекет ретіндегі маңызды рөлін атап өтті. Ол сондай-ақ биылғы АҚИҰ-ның негізгі жетістіктеріне тоқталып, Ауғанстанға арналған азық-түлік қауіпсіздігі бағдарламасының кеңейтілуін, «Адамзат үшін ұн – Газадағы төтенше жағдайға үндеу» бастамасының іске қосылуы мен Африкадағы азық-түлік қауіпсіздігі бастамасының жүзеге асырылу барысын баяндады. Оның айтуынша, қазір ұйым 2031 жылға дейінгі Стратегиялық көрінісі аясындағы ілгерілеу мен ИЫҰ-ға мүше мемлекеттерде азық-түлік қауіпсіздігін қамтамасыз ету жөніндегі стратегиялық жоспарға сәйкес жұмыс атқарып жатыр.

Сонымен қатар, Сыртқы істер министрінің орынбасары Әлібек Қуантыров еліміздің АҚИҰ-ға көрсетіп отырған берік саяси қолдауын атап өтіп, климаттың өзгеруі, су тапшылығы мен жаһандық нарықтағы құбылмалылық жағдайында азық-түлік қауіпсіздігі мәселелерін шешудегі көпжақты ынтымақтастықтың маңыздылығына тоқталды. Сондай-ақ Ауыл шаруашылығы вице-министрі Ермек Кенжеханұлы ауыл шаруашылығын жаңғырту, суару инфрақұрылымын жаңарту мен су үнемдеу технологияларын кеңінен енгізу ұлттық басымдықтардың қатарында екенін айтып, АҚИҰ-мен бірлескен өңірлік жобалардың іске асып жатқанын мәлімдеді.

Ал Мәжілістің Аграрлық мәселелер комитетінің төрағасы Серік Егізбаев еліміздің аграрлық әлеуетіне тоқталды. Оның мәлімдеуінше, қазір елімізде су ресурстарын тиімді пайдаланып, АҚИҰ қолдайтын бастамалардың, соның ішінде суару жүйелерін жаңғырту қажет. Бұған қоса, Орталық Азияда бидай өнімділігін арттырып, өңірлік азық-түлік қауіпсіздігі бойынша ынтымақтастықты нығайту керек.

Дипломатиялық миссиялар мен серіктес ұйымдардың өкілдері тарапынан да саладағы өзекті мәселелер көтерілді. Палестинаның еліміздегі елшісі, дипломатиялық корпустың дуайені доктор Монтасер Абузейд «Адамзат үшін ұн – Газадағы төтенше жағдайға үндеу» бастамасының гуманитарлық маңызына тоқталып, оны қолдаудың миллиондаған палестиналықтар үшін айрықша мәнге ие екенін жеткізді. Сонымен қатар Қазақстанның АҚИҰ-ны қабылдаушы ел ретіндегі рөліне жоғары баға беріп, азық-түлік қауіпсіздігін қамтамасыз ету, халықаралық ынтымақтастықты дамыту, ИЫҰ-ға мүше мемлекеттер арасындағы өзара ықпалдастықты нығайтудағы стратегиялық әріптестіктің маңызын атап өтті.

Сондай-ақ, Тәжікстан, Ауғанстан мен Иордания Хашимиттік Корольдігінің дипломатиялық миссияларының басшылары, Түркияның Ынтымақтастық және үйлестіру агенттігі (TİKA), Халықаралық көші-қон ұйымы (IOM), Аралды құтқару халықаралық қоры (IFAS) сияқты халықаралық ұйымдардың өкілдері азық-түлік қауіпсіздігі саласындағы өздерінің қазіргі жобалары туралы баяндады. Жалпы жиында АҚИҰ-мен ынтымақтастықтың перспективті бағыттары айқындалып, ИЫҰ өңірінде жүзеге асырылып жатқан бірлескен гуманитарлық, бағдарламалық, әлеуетті арттыру бастамалары талқыланды.

Іс-шара аясында АҚИҰ мен М.Қозыбаев атындағы Солтүстік Қазақстан университеті арасында ауыл шаруашылығы және азық-түлік қауіпсіздігі саласында білім беру, ғылыми зерттеулер, кадрлық әлеуетті дамыту бағытындағы ынтымақтастықты нығайтуды көздейтін меморандумға қол қойылды.

Соңғы жаңалықтар

Көліктердегі Мемлекеттік Ту: 4 полицей қызметінен қуылды

Қоғам • Бүгін, 22:37

Ыстанбұл Рами кітапханасында алғаш рет «Қазақстанның ғылыми-әдеби бұрышы» ашылды

Кітапхана • Бүгін, 22:18

Шымбұлақта сапа мен қауіпсіздік әрдайым назарда

Алматы • Бүгін, 21:50

Бетті бүркейтін киімге қатысты заң қабылданды: ІІМ ерекшеліктерін атады

Заң • Бүгін, 21:28

Оффтейк-келісімшарттар сомасы 7,6 есе өсіп, 1,1 трлн теңгеге жетті

Қаржы • Бүгін, 20:51

Биыл 173 жаңа зауыт ашылып, 18 мың жұмыс орны құрылды 

Үкімет • Бүгін, 20:36

Қазақстанда отандық тауар өндірушілер тізілімін құру аяқталып қалды

Экономика • Бүгін, 20:15

Қарағандыда студенттер фестивалі өтті

Жастар • Бүгін, 19:55

Президент Қатар Әміріне құттықтау жеделхатын жолдады

Президент • Бүгін, 19:33

Токиода Президент Қасым-Жомарт Тоқаев кәсіпқой сумошы Ерсін Балтағұлмен кездесті

Президент • Бүгін, 19:19

Елордалық оқушылар арасында құқықбұзушылықтың алдын алуға арналған жобалар байқауы өтті

Елорда • Бүгін, 18:57

Полиция Мемлекеттік ту мен жол тәртібі мәселесін түсіндірді

Заң • Бүгін, 18:33

Қасым-Жомарт Тоқаев Rakuten Group компаниясының басшысы Хироши Микитаниді қабылдады

Президент • Бүгін, 18:14

Доллар бағамы арзандады

Қаржы • Бүгін, 18:00

Биыл ел спортында қандай тарихи жеңістер тіркелді?

Спорт • Бүгін, 17:57

Барлық жаңалықтар