Балаларға банан тек фотоесеп үшін бе? Шымкент+тегі балабақшада жанжал шықты

Әлеуметтік желілерде Шымкенттегі балабақшалардың бірінде түсірілген шулы видео тарап жатыр. Онда түскі ас кезінде есеп үшін суретке түсіріп алған соң, балалардың алдындағы бананды қайтып алған сәт бейнеленген. Шымкент қалалық білім басқармасы жағдайға қатысты пікір білдірді, деп хабарлайды Tengrinews.kz.

Әлеуметтік желілерде Шымкенттегі балабақшалардың бірінде түсірілген шулы видео тарап жатыр. Онда түскі ас кезінде есеп үшін суретке түсіріп алған соң, балалардың алдындағы бананды қайтып алған сәт бейнеленген. Шымкент қалалық білім басқармасы жағдайға қатысты пікір білдірді, деп хабарлайды Tengrinews.kz.

Желіде тараған бейнежазбада балалардың балабақшада тамақтанып жатқаны көрсетілген. Негізгі тағамнан кейін оларға банан таратылған. Алайда, видеоға қарасақ, жемістер тек фотоесеп үшін берілген сияқты: суретке түсіріп болғаннан кейін оларды балалардан қайтып жинап алған.

Видеодан балалардың бірі бананды бергісі келмегенін көруге болады. Сол кезде басқа бір бала жемісті тартып алып, тәрбиешіге апарып берген.

Шымкент қалалық білім басқармасы Tengrinews.kz редакциясына бананға қатысты бұл оқиғаның 2026 жылдың ақпан айында болғанын хабарлады.

"Мекеме меңгерушісі мен қызметкерлерден түсініктеме алынды. Сондай-ақ видеодағы бес қызметкердің үшеуі бүгінгі таңда бұл мекемеде жұмыс істемейтіні анықталды", – деп мәлімдеді басқарма.

Сонымен қатар ведомство қалалық полиция департаментіне, білім беру саласындағы сапаны қамтамасыз ету департаментіне және СЭС-ке (санитарлық-эпидемиологиялық бақылау департаменті) ресми хат жолдады.

"Бұл мәселе қолданыстағы заңнама аясында қаралып жатқанын және құзырлы органдардың тексеру нәтижесі бойынша тиісті шешімдер қабылданатынын хабарлаймыз", – деді ведомство өкілдері.

Еске салсақ, бұған дейін Теміртаудағы мемлекеттік балабақшалардың бірінде де дау туындаған болатын. Желіде бейнебақылау камерасындағы жазбалар жарияланды. Онда тәрбиеші алты жасар қызды маңдайынан бірнеше рет ұрған. Сондай-ақ кадрлардан педагогтің балаға айғайлап, дауыс көтергені естіледі.

Видео жарияланғаннан кейін тәрбиеші жұмыстан босатылды. Балабақша директорына сөгіс жарияланды.

Google News арқылы жаңалықтарымызды қадағалаңыз