Бәрібір шындықты анықтаймыз : Лукашенко балалар автобусына жасалған шабуыл туралы

АСТАНА, 18 маусым – Sputnik. Беларусь президенті Александр Лукашенко Брянск облысында Украина Қарулы күштерінің балалар мінген автобусқа шабуылына қатысты пікір білдірді.

17 маусымда Беларусьтің Гомель қаласынан барған балалар футбол командасы Ресейдің Геленджик қаласына демалысқа бара жатқан. Автобус салонында 44 жолаушы болған, оның 28-і - Речица қаласының №2 балалар мен жасөспірімдерге арналған спорт мектебінің жас спортшылары. Шабуыл кезінде балаларға ілесіп жүрген әйел көз жұмды.

© Photo : Официальный сайт президента БеларусиАлександр Лукашенко арнайы жиын өткізді

Александр Лукашенко арнайы жиын өткізді

© Photo : Официальный сайт президента Беларуси

Балалар да жарақат алды, олардың екеуі жансақтау бөлімінде жатыр. Лукашенконың айтуынша, ұшқышсыз ұшатын аппараттың украиналық болғаны сөзсіз.

"Біз қандай да бір қорытынды жасауға асықпаймыз, бірақ бұл дронның украиналық екенін анық айта аламыз", - деді Лукашенко.

Беларусь президенті Киевтен жауап алғанын хабарлады.

"Олар бұл айыптауларға жауап берді: көптеген тарап бұл дрондарды сатып алып жатыр, яғни, бұл біз емес, басқа біреу немесе мүмкін қандай да бір арандату болған шығар деген жауап. Бірақ бүгін кейбір нәрселер белгілі. Олар сол кезде Брянск аймағына ешқандай соққы болмағанын айтады, бірақ автобус жүргізушісі автобус үстінен ұшқан бір емес, бірнеше дронды өз көзімен көргенін айтты. Салдарынан бір адам қаза тауып, балаларымыз жарақат алды", - деді Лукашенко.

Ол осы мәселені бақылауға алуды бұйырды.

"Егер біреу бізді арандатып, соғысқа тартуға тырысса, бұл мұны істеуге тырысқандар үшін жаман болады. Біз сабырлы әрекет етіп жатырмыз. Кейбір тарапқа Беларусь бейбіт ел екендігі ұнамайды, мұның бәрі сондықтан болып жатыр", - деді беларусь президент.

Лукашенко Беларуське шындық қажет екенін мәлімдеді.

"Бірақ бізге шындық қажет. Біз бұл шындықты немесе Украина мемлекеттік қызметкерлерінен, әскерилерінен және адамдардан шынайы және әділ жауап күтеміз. Біз бұл шындықты бәрібір анықтаймыз, бұл қиын емес", - деді Лукашенко.

Беларусь президенті Украинамен шекара бұрын-соңды болмағандай жанып жатқанын айтты.

© Photo : Официальный сайт президента БеларусиАлександр Лукашенко

Александр Лукашенко

© Photo : Официальный сайт президента Беларуси

"Оңтүстік шекара 1500 шақырымға созылады, біздің әскерлеріміз сол жерде орналасқан және ол аймақ бұрын-соңды болмағандай жанып жатыр. Біз оңтүстік шекараны күшейтілген режиммен қорғауымыз керек пе, жоқ па? Міне, жауап: қорғауымыз керек! Біз әскери адамдармыз, халық бізді өз есебінен асырап отыр, сондықтан біз сол халықты қорғауымыз керек", - деді Лукашенко.

Лукашенко бүгінгі соғыс алыс жерде емес, қоршаудың арғы бетінде болып жатқанын еске салды.

Беларусь сыртқы істер министрлігі Украина істері бойынша уақытша сенімді өкілін шақырып, оған Украина Қарулы күштерінің беларусь балалары мінген автобусқа дронмен жасалған шабуылына байланысты наразылық нотасын тапсырды.