Бернли бапкері Дастан Сәтпаевтың жаттығуға қашан оралатынын айтты

Қазақстан құрамасының шабуылшысы Дастан Сәтпаев халықаралық үзілістен кейін жаттығуға қайта кірісуі мүмкін, – деп хабарлайды Aikyn.kz сайты.

Бапкердің айтуынша, клуб Сәтпаевтың халықаралық үзіліс аяқталғанға дейін толық қалпына келуін күтіп отыр. Осыған байланысты 18 жастағы қазақстандық футболшы «Суонси Сити» және «Дерби Каунтиге» қарсы кездесулерді өткізіп алуы ықтимал.

Сәтпаев Англия Чемпионшипінің төртінші турында «Мидлсброға» қарсы матчта санының артқы бұлшықетін жарақаттап алған. Ол 81-минутта жайсыздық сезініп, ауыстыруды сұраған.

Қазір футболшы «Челси» базасында ем қабылдап, оңалтудан өтіп жатыр. Жарақатынан толық айыққаннан кейін ол «Бернли» сапына қайта қосылады.

Сәтпаевтың Қазақстан құрамасының 18 қыркүйекте басталатын оқу-жаттығу жиынына және 26 қыркүйектегі матчқа қатысуы екіталай.