Блогер Жанәбіловтің жұбайы сотта соңғы сөз айтуға келмеді: сот екі сағат уақыт берді

Астанада блогерлер Ерболат Жанәбілов пен Эльмира Төлегенова ісі бойынша сот процесі жалғасып жатыр. Бүгін айыпталушылар соңғы сөздерін айтуы тиіс болған, алайда Төлегенова сотқа келмеді, - деп хабарлайды Tengrinews.kz тілшісі.

Астанада блогерлер Ерболат Жанәбілов пен Эльмира Төлегенова ісі бойынша сот процесі жалғасып жатыр. Бүгін айыпталушылар соңғы сөздерін айтуы тиіс болған, алайда Төлегенова сотқа келмеді, - деп хабарлайды Tengrinews.kz тілшісі.

Айыпталушылардың адвокаты Гаухар Айтжанованың айтуынша, оның қорғауындағы азамат денсаулығына байланысты келмеген. Судья Адильбек Баймаханов отырыс кезінде бұл жағдайды растайтын құжаттар ұсынылмағанын айтты.

"Сот айыпталушыға растайтын құжаттарды ұсынуға немесе онлайн байланыспен қосылуға екі сағат уақыт береді. Егер құжаттар ұсынылмаса, сот келмеу себебін негізсіз және қылмыстық істі қарауға кедергі келтіреді деп санайды", - деді ол.

Осыған байланысты судья екі сағатқа үзіліс жариялады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Google News арқылы жаңалықтарымызды қадағалаңыз