Танымал блогер Жаңабыловтар ісі бойынша сотта түсінік берді

Астанада блогерлер Ерболат Жанәбілов пен Эльмира Төлегеноваға қатысты қылмыстық іс бойынша сот талқылауы жалғасып жатыр. 30 наурызда сотқа жауап алу үшін қазақстандық екі блогер Дархан Жолшыбеков пен Нұрбек Нұртаза (Justking есімімен танымал) келді, - деп хабарлайды Tengrinews.kz.

Астанада блогерлер Ерболат Жанәбілов пен Эльмира Төлегеноваға қатысты қылмыстық іс бойынша сот талқылауы жалғасып жатыр. 30 наурызда сотқа жауап алу үшін қазақстандық екі блогер Дархан Жолшыбеков пен Нұрбек Нұртаза (Justking есімімен танымал) келді, - деп хабарлайды Tengrinews.kz.

Сотта Дархан Жолшыбеков 2024 жылы ұтыс ойындарын өткізгенін, сондай-ақ электрон коммерция саласында оқытумен айналысқанын айтты. Оның сөзінше, курстарды ол өз бетінше әзірлеген. Сонымен қатар ол бұған дейін әкімшілік жауапкершілікке тартылғанын растады.

Мемлекеттік айыптаушы Жолшыбековтің сотталушылармен ұтыс ойындарын өткізу мәселелерін және ықтимал құқықтық тәуекелдерді талқылаған-талқыламағанын нақтылады. Куәгер Ерболат Жанәбіловпен шынымен де сөйлескенін, бірақ әңгімелердің егжей-тегжейі есінде жоқ екенін айтты.

Осыған байланысты прокурор Дархан Жолшыбековтің 2025 жылдың қарашасында тергеу кезеңінде берген айғақтарын оқып берді. Оған сәйкес, Жанәбілов блогер Жолшыбековке қатысты сот процестері туралы білгеннен кейін екеуінің арасында әңгіме болған.

"Иә, біздің арамызда шынымен де әңгіме болды. Ерболат Жанәбілов интернеттен менің сот ісіне қатысты болғанымды көрген екен. Ол маған қандай жаза берілгенін сұрады, мен әкімшілік жауапкершілікке тартылғанымды айттым. Бұл ұтыс ойындары үшін мені экономикалық тергеу департаментінің қызметкерлері шақырғанын түсіндірдім. Сол кезде мен онымен (Ерболат Жанәбіловпен) жиі сөйлесіп тұратынмын", - делінген блогер Жолшыбековтің бұрынғы айғақтарында.

Соттың сұрақтарына жауап бере отырып, Жолшыбеков бұрынғы айғақтарының мазмұнын нақты есіне түсіре алмай тұрғанын, бірақ олардан бас тартпайтынын мәлімдеді.

Сонымен қатар Justking деген атпен танымал, бұған дейін ұтыс ойындарын өткізгені үшін әкімшілік жауапкершілікке тартылған блогер Нұрбек Нұртаза сотта Жанәбіловтермен мұндай әңгіме болмағанын айтты. Оның айтуынша, Жанәбіловтер одан ықтимал жазалар мен құқықтық салдарлар туралы сұрамаған.

Сотта блогерлер арасындағы өзара қарым-қатынас пен ықтимал келіспеушіліктер де талқыланды. Сотталушылардың адвокаты Гаухар Айтжанованың сұрақтарына жауап берген Дархан Жолшыбеков Жанәбіловтермен алты жылдан аса уақыт таныс екенін айтты.

Ықтимал жанжалдар туралы сұрақтарға жауап берген куәгер сотталушыларға деген өшпенділігі жоқ екенін атап өтті. Сонымен қатыр, Жолшыбеков Ерболат Жанәбіловпен арада кейбір келіспеушіліктердің болғанын мойындады.

"Төлегеновамен болған жоқ, Ерамен (Ерболат Жанәбілов ред. еск.) болды. Ер адам болған соң, арасында болып тұрады", - деп түсіндірді Жолшыбеков.

Сондай-ақ адвокат 2025 жылдың 29 наурызында болған, тараптар әлеуметтік желілерде көрсеткен жанжалды да еске салды. Куәгер бұл деректі растады.