Босқын миллиардер Балушкиннің бұрынғы зауытының жаңа иесі анықталды

Өскеменде сотталған Анатолий Балушкинге тиесілі болған құрылысы аяқталмаған "Азия Авто – Бипэк Авто" автозауыты Шығыс Қазақстан облысының әкімдігіне беріледі, мән-жайды Tengrinews.kz тілшісі анықтады.

Өскеменде сотталған Анатолий Балушкинге тиесілі болған құрылысы аяқталмаған "Азия Авто – Бипэк Авто" автозауыты Шығыс Қазақстан облысының әкімдігіне беріледі, мән-жайды Tengrinews.kz тілшісі анықтады.

Мән-жайы

Бұған дейін электрондық сауда порталында лот пайда болған еді - құрылысы аяқталмаған "Азия Авто Қазақстан" толық циклді көлік зауыты жер учаскелерімен және аумақтағы барлық ғимараттар мен құрылыстармен бірге.

Нысан Шығыс Қазақстан облысы бойынша Мемлекеттік мүлік және жекешелендіру комитетінің балансында болған.

Бұл ретте порталда зауыт пен жер телімдерінің құны 0 теңге мөлшерінде көрсетілген. Сондай-ақ нысанның кімге берілетіні және болашақта бұл алаңды қалай пайдалану жоспарланып отырғаны нақтыланбаған болатын.

Скриншот: e-qazyna.kz порталынан

ОБСУЖДАЕТСЯ СЕЙЧАС

Медалін шешуді ұмытып кеткен қазақстандық спортшы әуежайда қызық жағдайға тап болды

Бүгін 08:10 1

Зауыт әкімдікке беріледі

Бүгін Шығыс Қазақстан облысының әкімдігі құрылысы аяқталмаған зауыттың қазір кімге тиесілі екеніне қатысты мәліметті нақтылады.

"Аяқталмаған зауыттың тәркіленген мүлкін Шығыс Қазақстан мемлекеттік мүлік және жекешелендіру департаменті әкімдіктің балансына беру процесі жүріп жатыр", – деп хабарлады әкімшіліктегілер.

Сонымен қатар әкімдік өкілдері аумақты қалай пайдалануды жоспарлап отырғандарын айтты.

"Әкімдік бұл алаңды кәсіпкерліктің барлық түрі мен өнеркәсіпті дамыту үшін пайдалануға мүдделі", – деп толықтырды баспасөз қызметі.

Баспасөз қызметі әкімдік нысанды тәркіленген мүлікті беру рәсімі аясында конкурстық негізде алғанын атап өтті. Ол әкімдік балансына тегін берілді.

Зауыт аумағында не бар?

Құжаттарға сәйкес, зауыт аумағындағы тауарлар мен материалдар шамамен 124 миллион теңгеге бағаланған.

Фото: e-qazyna.kz порталынан

Онда барлығы 37 мыңнан астам мүлік бірлігі: киіз етік, кулер мен суреттерден бастап, радиаторлар, цистерналар, балғалар мен плинтустарға дейін бар.

Бағалау туралы есепте көрсетілген нысанның қорытынды құны, егер есеп жасалған күннен бастап мәміле жасалған немесе жария оферта жарияланған күнге дейін алты айдан аспаса, мәміле үшін ұсынылатын құн болып есептеледі, делінген құжатта.

Фото: e-qazyna.kz порталынан "Бипэк Авто" ісі

2021 жылдың тамызында сол кезде Forbes нұсқасы бойынша Қазақстандағы ең бай 50 адамның тізіміне кірген қазақстандық бизнесмен Анатолий Балушкинге іздеу жарияланған. Ол "Азия Авто" АҚ компаниялар тобының иесі болды.

Кейін Қаржылық мониторинг агенттігі оған қатысты 190-баптың 4-бөлігі "Алаяқтық" бойынша қылмыстық іс тергеліп жатқанын хабарлады. 2023 жылдың ақпанында Балушкин тергеу амалдарына жария түрде шақырылды. Алайда ол келмеді.

Нәтижесінде 2025 жылы бизнесмен Анатолий Балушкин 9 жыл бас бостандығынан айырылды. Ол аса ірі көлемде алаяқтық жасағаны үшін кінәлі деп танылды. Істің екінші фигуранты Ерік Сағымбаев осы айыптар, сондай-ақ салық төлеуден жалтару бабы бойынша 8 жыл 6 ай бас бостандығынан айырылды. Екеуі де сырттай сотталды.

Анатолий Балушкин. Фото:facebook.com/bipek.kz

Сот 2013-2020 жылдар аралығында Балушкин мен оның сыбайласы "Азия Авто – БИПЭК Авто" арқылы әрекет етіп, 66 миллиард теңге несие алып, оны жылыстатқанын анықтады.

Активтерді жасыру мақсатында 2019-2020 жылдары жаңа компаниялар құрылып, оларға мүліктер қайта жазылған. Бұдан бөлек, 2020 жылы жетіспеушілікті жабу үшін 3,9 миллиард теңгеге "сыйақылар" ресімделген, бірақ іс жүзінде бұл ақша қызметкерлерге төленбеген.

Сондай-ақ компанияның 2010-2020 жылдар аралығында салықтық жеңілдіктерді пайдаланғаны, бірақ өз міндеттемелерін орындамағаны белгілі болды. Жеңілдіктер жалған құжаттар арқылы ұзартылған, кейін сот бұл келісімдерді жарамсыз деп таныды.

Мемлекетке келтірілген жалпы шығын 173 миллиард теңгеге бағаланды.

Бір жыл бұрын Анатолий Балушкин Шешенстан басшысының көмекшісі, "Ахмат" арнайы жасағының командирі Апти Алаудиновтың Telegram-арнасындағы видеода көрінді. Видеода Балушкин "Ахмат" командирінің иелігіне "Пластун" транспортерін тапсырып жатқан болатын.

Қазақстан Балушкинді жазасын өтеу үшін Ресейден қайтаруға әрекеттенді. Алайда Ресей Әділет министрлігі Қазақстанның бұл өтініштерін қанағаттандырудан бас тартты.