Атырау ФК жекеменшік клубқа айналады: иесі анықталды

«Атырау» футбол клубы жақын уақытта меншік түрін өзгертіп, жеке қолдарға өтуі мүмкін. 

Бұл туралы спорт журналисі Эльдар Аманбаев өзінің Telegram-арнасында хабарлады.

Оның дерегінше, Батыс Қазақстандағы ірі логистикалық «Ақ-руно» компаниясының иесі Әлімбек Мұқанов клубты сатып алу үшін құжаттарды рәсімдеу процесін бастап кеткен.

«Осылайша, жақын арада “мұнайшылар” Қазақстан Премьер-лигасындағы алтыншы жекешелендірілген клубқа айналады», — деп жазды журналист.

Егер мәміле аяқталса, «Атырау» ФК қазірдің өзінде жеке меншікке өткен «Жеңіс», «Елімай», «Ақтөбе», «Қызылжар» және «Қайсар» клубтарының қатарына қосылады.

Бүгін, 17:08