БҚО да есірткіге қарсы күрес басқармасының бұрынғы бастығы қамауға алынды

20 қаңтарда Орал тергеу соты Батыс Қазақстан облысы Полиция департаментінің есірткіге қарсы күрес басқармасының бұрынғы бастығы Андрей Хлевинді екі айға қамауға алу туралы шешім шығарды, деп хабарлады Орал апталығы.

Бұл ақпаратты ПД баспасөз қызметі растады. Хлевинге ҚР Қылмыстық кодексінің екі бабы бойынша айып тағылды:

297-бап, 1-бөлім – есірткі құралдарын өткізу мақсатында заңсыз сатып алу, сақтау, тасымалдау немесе өткізу; 214-бап, 2-бөлім, 2-тармақ – заңсыз кәсіпкерлік.

Ұстау операциясын полицияның жеке қауіпсіздік басқармасы мен ҰҚК департаменті бірлесіп жүргізген. Хлевин үйінде ұсталып, одан 0,8 грамм морфин табылған. Бұл көлем заң бойынша «ірі мөлшер» деп саналады.

Іс бойынша бірнеше адамға айып тағылған, олардың қатарында есірткі қылмысына қарсы іс-қимыл бөлімінің бұрынғы бастығы да бар.

Андрей Хлевин 1995 жылы Қарағандыдағы жоғары милиция мектебін тәмамдап, полиция қызметіне кірген. 2009 жылы қылмысқа қарсы күрес басқармасын басқарды. 2023 жылы полиция полковнигі шенімен еңбек сіңірген жылдарына байланысты отставкаға кеткен.

Бүгін, 18:40