Бұл ескі теңгелерді әлі де айырбастауға болады Ұлттық банктің ескертуі

Қазақстанда ескі банкноттар біртіндеп айналымнан шығарылып жатыр, алайда олардың кейбірін тіпті бірнеше жылдан кейін де жаңасына айырбастауға болады. Ұлттық банк қай купюралар әлі де қабылданатынын және мұны қай жерде жасауға болатынын айтты, деп хабарлайды Tengrinews.kz.

Қай ескі теңгелерді әлі де айырбастауға болады?

Ұлттық банк жаңа серия шыққаннан кейін ескі банкноттардың белгілі бір уақыт бойы қатар айналымда болатынын еске салды.

Бұл олармен бұрынғыша төлем жасауға болатынын, ал банктер оларды номиналы бойынша қабылдауға міндетті екенін білдіреді.

Қазір айналымда бір мезгілде "Қазақ елі" монументі бейнеленген осы аттас сериядағы кейбір банкноттар, сондай-ақ жаңа "Сақ стилі" сериясындағы банкноттар жүр.

2024 жылғы үлгідегі номиналы 10 000 теңгелік "Сақ стилі" сериясындағы банкнот. Дереккөз: nationalbank.kz

2011 жылғы үлгідегі номиналы 10 000 теңгелік "Қазақ елі" монументі бейнеленген банкнот. Дереккөз: nationalbank.kz

Ұлттық банктің аумақтық филиалдары мен екінші деңгейлі банктер ескі купюраларды мына мерзімдерде айырбастайды:

2017 жылғы үлгідегі 500 теңге - 2027 жылғы 24 желтоқсанға дейін; 2014 жылғы үлгідегі 1 000 теңге - 2027 жылғы 27 наурызға дейін; 2012 жылғы үлгідегі 10 000 теңге - 2027 жылғы 27 маусымға дейін.

Бұл ретте мына банкноттар:

2012 жылғы үлгідегі 2 000 теңге 2026 жылғы 25 маусымнан бастап айналымнан шығарылады; 2011 жылғы үлгідегі 5 000 теңге - 2025 жылғы 25 қыркүйектен бастап. Қай банкнотты мерзімсіз айырбастауға болады?

Ұлттық банк "Бәйтерек" монументі бейнеленген 2006 жылғы үлгідегі банкноттарды уақыт шектеусіз айырбастауға болатынын айтты.

2006 жылғы үлгідегі номиналы 10 000 теңгелік "Бәйтерек" монументі бейнеленген банкнот. Дереккөз: nationalbank.kz

Айырбастау Ұлттық банктің аумақтық филиалдарында жүргізіледі.

Ескі ақшаны не істеу керек?

Егер белгілі бір банкнотты айырбастау мерзімі өтіп кетсе, бұл оны жою керек дегенді білдірмейді.

Алдымен оның Ұлттық банк мерзімсіз айырбастауды жалғастырып жатқан банкноттарға жататынын нақтылап алған жөн. Егер жатпаса, белгіленген мерзім аяқталғаннан кейін мұндай купюра заңды төлем құралы болуын тоқтатады және оны есеп айырысу үшін пайдалануға болмайды.

Тағы оқыңыз: Ұлттық банк жаңа 500 теңгелік купюраны көрсетті

Google News арқылы жаңалықтарымызды қадағалаңыз

Жазылу