БҰҰ ның келесі Бас хатшысы лауазымына тағы екі кандидат ұсынылды

Қазіргі уақытта Африка Одағына төрағалық ететін Бурунди Сенегалдың бұрынғы президенті Маки Саллды, ал Коста-Рика экономист, бұрынғы вице-президент Ребека Гринспенді ұсынды.

Қазіргі уақытта Бас хатшы лауазымына төрт үміткер таласып жатыр. Қалған екі үміткер Чили, Бразилия және Мексика ұсынған Чилидің бұрынғы президенті Мишель Бачелет және Аргентина ұсынған Атом энергиясы жөніндегі халықаралық агенттіктің (МАГАТЭ) қазіргі бас директоры Рафаэль Гросси.

БҰҰ Бас Ассамблеясының төрағасы Анналена Бербок БҰҰ-ға мүше мемлекеттерге жолдаған хатында 20 сәуірде басталатын аптаға жоспарланған үміткерлермен интерактивті диалог жүргізу процедураларын атап өтті.

Диалогтар БҰҰ-ның үш негізгі тірегі төңірегінде құрылады: бейбітшілік пен қауіпсіздік, адам құқықтары және даму. Хатқа сәйкес, әрбір үміткер өз көзқарасын ұсынып, одан кейін мүше мемлекеттер сұрақтар қойып, талқылауға қатысады.

Сондай-ақ хатта үміткерлер қатысуға құқылы болуы үшін интерактивті диалогтар басталғанға дейін және 1 сәуірден кешіктірмей ұсынылуы керектігі атап өтілген.

Еске сала кетейік, БҰҰ жаңа Бас хатшыны сайлау процесін бастады. Әрбір мемлекет бір кандидат ұсынуға құқылы.