Былтыр Еуропалық Одақтағы мигранттар саны рекордқа жеткен

— ЕО-да шетелде туған адамдардың саны рекордтық деңгейге жетіп, 2025 жылы шамамен 64 млн адамды құрады, — делінген есепте.

Жарияланымда қор мигранттарды туған елінен басқа елде тұратын адамдар ретінде анықтайтыны нақтыланады.

Есепте 2010 жылы мигранттар саны 40 млн болғаны, яғни 15 жыл ішінде 60%-ға өскені көрсетілген. 2024–2025 жылдар аралығында Еуропалық Одақтағы мигранттар саны шамамен 2,1 млн адамға артқан. Алғашқы ірі өсім 2015 жылғы дағдарыс кезінде байқалды, сол кезде 1,25 млн-нан астам адам ЕО-дан баспана сұрады.

Қор мәліметінше, мигранттардың негізгі бағыты — Германия. 2010 жылдан бері олардың саны шамамен 70%-ға артқан. Франция мен Испания да тұрақты өсім көрсеткен. ЕО-ның басқа мүше елдерінде де өсу үрдісі байқалады.

Халқы аз мемлекеттерде мигранттардың үлесі халық санына шаққанда ең жоғары. Атап айтқанда, Люксембургте мигранттар халықтың шамамен 52%-ын құрайды, одан кейін Мальта (32%) және Кипр (28%).

Босқындарға келсек, ең көп қабылдайтын ел — Германия, шамамен 2,7 млн адам, бұл екінші орында тұрған Польшадағы (шамамен 1 млн) көрсеткіштен екі еседен аса көп. Одан кейін Франция, Испания және Чехия келеді.

Бұл деректер Еуропада көші-қон қарқынының айтарлықтай күшейгенін көрсетеді. Соңғы жылдары мигранттар санының өсуі экономикалық, саяси және гуманитарлық факторлармен байланысты.

Айта кетейік, бұған дейін БҰҰ 8 мыңға жуық заңсыз мигрант қаза тапқанын мәлімдеген еді.