Былтыр Қазақстанда қызылшамен ауырғандар саны 85% ке төмендеген

АСТАНА, 12 ақпан - Sputnik. Қазақстанда қызылша бойынша эпидемиологиялық ахуал қандай екені үкіметте қаралды.

Қызылшамен ауырғандар саны 2024 жылға қарағанда биыл 85%-ке төмендегені туралы денсаулық сақтау министрлігінің өкілдері айтты. Ал биыл жыл басынан бері қызылшаның 1951 жағдайы тіркелген.

Әсіресе Астана және Алматы қалаларының, сондай-ақ Жамбыл және Атырау облыстарының тұрғындары көп сырқаттаған. Негізінен 5 жасқа дейінгі балалар көп ауырған. Науқастар арасында вакцинацияланбағандар басым. Олардың қатарына ата-аналары вакцинациядан бас тартқандар бар.

Мәдениет және ақпарат вице-премьер-министрі Аида Балаева әкімдіктер жанындағы өңірлік штабтарда қызылша бойынша эпидемиологиялық жағдайды күн сайын талдауды тапсырды. Жергілікті жердегі басшылар тікелей жауап береді, деді ол.

Бұған дейін Астананың бас мемлекеттік санитарлық дәрігері Айгүл Шағалтаева балаларды қызылшаға қарсы екпе болған жағдайда ғана стационарларға қабылдайтынын ескертті. Бұл шешім ауруханаішілік инфекцияның таралу қаупін болдырмау үшін қабылданған.