ChatGPT дің кеңесіне сенген азамат OpenAI компаниясын сотқа берді

Фото: istockphoto.com

Талап-арызда көрсетілгендей, 2025 жылы ер адам ChatGPT-ге аяғындағы ауырсыну, ісіну және басқа да белгілер туралы бірнеше рет жүгінген. Алайда чат-бот оның жағдайында аса қауіпті ештеңе жоқ екенін айтып, дене белсенділігін азайтып, дәрігерге баруға асықпауға кеңес берген.

Талапкердің айтуынша, дәл осы кеңестерге жүгінген ол біраз уақыттан соң өкпе артериясының тромбоэмболиясы диагнозымен жансақтау бөліміне жатқызылған.

Жасанды интеллектіден ақыл сұрайтындар көбейді: Сіз қандай кеңесіне құлақ түрдіңіз?

Сотқа жолданған талапта OpenAI компаниясы салғырттық танытып, заңсыз медициналық қызмет көрсетумен айналысты деп айыпталған. Сонымен қатар талапкер ChatGPT-дің жұмыс алгоритмін өзгертуді талап етіп отыр. Оның пікірінше, шұғыл медициналық жағдайдың белгілері анықталған кезде чат-бот кеңес беруді тоқтатып, пайдаланушыны бірден дәрігерге жүгінуге бағыттауы тиіс.

Imam AI: Енді жасанды интеллект діни сұрақтарға жауап береді

Өз кезегінде OpenAI ChatGPT-дің ауруларды диагностикалауға немесе емдеуге арналмағанын және дәрігердің орнын алмастыра алмайтынын мәлімдеді.

The New York Times басылымының жазуынша, бұл – чат-боттың кеңесіне қатысты OpenAI-ға қарсы қозғалған алғашқы ауқымды сот ісі болып отыр. 

Еске сала кетейік, жуырда ChatGPT банк шоттарын тексеру функциясын іске қосқан болатын. Жаңа мүмкіндік әзірге АҚШ-тағы қолданушылардың бір бөлігіне ғана қолжетімді.