Алматыдағы таңғы жол апаты: Range Rover дің рөлінде кім отырғаны белгісіз

Toyota көлігінің жүргізушісінің айтуынша, жол апаты кезінде ол жақын маңнан басқа көлікті көрмеген (яғни өзін кім соққанын білмей қалған) және оқиға орнына жедел жәрдем қызметі мен полиция шақырған.

Сурет: Zakon.kz

Кейінірек Мұстафин көшесімен қиылыстағы жолайрықта Toyota көлігінің жүргізушісі қара түсті Range Rover көлігін көреді. Оның нөмірлері, алдыңғы дөңгелектерінің бірі болмаған.

Бұл Camry-ді соғып, тоқтамастан үш дөңгелегімен қозғалысты жалғастырған көлік екені анықталды.

Сурет: Zakon.kz

Toyota жүргізушісінің айтуынша, Range Rover өте жоғары жылдамдықпен құйғытып келе жатқан және оның салонында дауыстары қатты шығып, өздерін орынсыз ұстаған төрт жас жігіт болған.

Полиция қызметкерлері оқиға орнына келгеннен кейін де олар өздерін біртүрлі ұстап, құқық қорғау органдары қызметкерлерінің талаптарына бағынбаған.

Сурет: Zakon.kz

Camry жүргізушісі жол апаты оқиғасы рәсімделгеннен кейін арқасы ауырып тұрғандықтан ауруханаға баратынын айтты. Одан бөлек, бұл соққыдан Toyota-да болған тағы үш адам зардап шекті.

Сурет: Zakon.kz

Сондай-ақ оқиға орнына саусақ іздерін алу үшін криминалист шақырылды, өйткені Range Rover-дің төрт жолаушысының ешқайсысы рөлде кім болғанын мойындамаған. Олар көлікті іштен құлыптап жауып алып, сөйлесуден бас тартқан.