Алматыда қазан айының басында жоғалып кеткен ер адам өлі күйінде табылды

Алматыда жарты ай бұрын жоғалып кеткен ер адам өлі табылды. Бұл туралы LIDER.KZ еріктілері Instagram-да жариялады, - деп хабарлайды Tengrinews.kz тілшісі.

1984 жылы туған Лебанидзе Давид Давидович 9 қазанда кешке жоғалып кеткен. Ер адам Бостандық ауданы, Балбөбек көшесіндегі үйінен шығып кеткен.

Белгілері: бойы 170 сантиметр, дене бітімі арық, тақырбас, көзі қоңыр.

Үстіне қара джинсы күрте, сұр шалбар, қоңыр мокасин киген. Қолында барсетка сөмкесі болған.

Еріктілердің мәліметінше, жоғалған адам 16 қазанда өлі табылды. Басқа мәліметтер әзірге белгісіз.

Instagram-дағы бұл жарияланымды көру

Алматы қаласы және Алматы облысының «LIDER.KZ» еріктілерінің жарияланымы (@volontery_lider.kz_almobl)

Бізді Google-дың негізгі дереккөздер тізіміне қосыңыз