Дамбы ауылына жаңа саябақ салынады

Атырау қаласының Дамбы ауылында тұрғындардың демалысы үшін 1 гектар аумаққа жаңа саябақ бой көтеруде, деп хабарлайды Өңірлік коммуникациялар қызметі.

Қазіргі таңда аумаққа 2-3 метр биіктігіндегі 184 шаған ағаш отырғызылды. Бұл – саябақтың жасыл аймағын қалыптастырудың алғашқы кезеңі. Алдағы уақытта төсемтастар төселіп, жарық шамдары мен орындықтар қойылады, воркаут және балалар ойын алаңдары салынады, қосымша жасыл желек отырғызылады.

Жоба 2026 жылы да жалғасын табады. Саябақ іске қосылған соң ауыл тұрғындарының демалысы жеңілдейді, экологиялық ахуал жақсарып, жайлы қоғамдық кеңістік пайда болады.

Бүгін, 13:57