Дарын жастар сыйлығына байқау жарияланды: Құжаттар қашанға дейін қабылданады?

Фото: gov.kz

Сыйлық ғылым, шығармашылық, қоғамдық қызмет салаларында елеулі жетістікке жеткен және спортта жоғары нәтиже көрсеткен жастарды мемлекеттік қолдау мақсатында табысталады.

Атап айтқанда, үміткерлер «Әдебиет», «Ғылым», «Дизайн және бейнелеу өнері», «Журналистика», «Классикалық музыка», «Қоғамдық қызмет», «Спорт», «Театр және кино», «Эстрада» және «Халық шығармашылығы» бағыттары бойынша бақ сынай алады.

 Атырауда «Адалдық жаршысы» республикалық жабық жыр мүшәйрасы басталды

Сыйлыққа халықаралық және республикалық байқаулар мен фестивальдердің лауреаттары, спорттық жарыстардың жеңімпаздары мен жүлдегерлері, сондай-ақ өз саласының және қоғамның дамуына үлес қосқан 35 жасқа дейінгі Қазақстан азаматтары үміткер бола алады. Байқаудың толық шарттарымен Мәдениет және ақпарат министрлігінің сайтынан танысуға болады.

Конкурсқа қатысуға құжат 2026 жылғы 17 маусымнан 17 қыркүйек аралығында (қоса алғанда) қабылданады.

Айта кетейік, «Дарын» мемлекеттік жастар сыйлығы алғаш 1992 жылы тағайындалған. Осы уақытқа дейін еліміздің түрлі салаларында жетістікке жеткен 380-нан астам жас бұл марапаттың иегері атанған.

Айта кетейік, бұған дейін Абай атындағы әдебиет пен өнер саласындағы мемлекеттік сыйлығын беру жөніндегі комиссияның алғашқы отырысы өткен болатын. Биыл мемлекеттік сыйлыққа 32 шығарма ұсынылған.

Еске сала кетейік, өткен жылы «Дарын» мемлекеттік жастар сыйлығы жоғары жетістіктерге жеткен 20 жас дарынға берілді.