Дастан Сәтпаевтың клубы тағы да жеңілді

Англия екінші деңгейлі лигасының жетінші турында «Бернли» сырт алаңда «Суонсиге» 1:3 есебімен есе жіберді, деп хабарлайды Aikyn.kz.

Кездесу Суонси қаласындағы «Суонси дот ком Стэйдиум» стадионында өтті. 14-минутта алаң иелерінің шабуылшысы Адам Айда есеп ашты. 33-минутта Мусса Йео «Суонсидің» басымдығын арттырды.

Екінші таймда «Бернли» есеп айырмасын қысқартты. 58-минутта Ларжи Рамазани гол соғып, есепті 2:1-ге жеткізді. 65-минутта «Бернлидің» жаңа ойыншысы Джейми Варди алаңға шыққанымен, командасын жеңілістен құтқара алмады. Үш минуттан кейін Жан Випотник «Суонсидің» үшінші голын соқты. Қорытынды есеп – 3:1.

Қазақстандық шабуылшы Дастан Сәтпаев 2 қыркүйекте «Мидлсброға» қарсы өткен матчта алған жарақатынан кейін «Челсидің» базасында ем қабылдап жатыр. «Бернлидің» бас бапкері Ники Хайеннің айтуынша, 18 жастағы футболшы екі клубтың медициналық штабы бірлесіп әзірлеген бағдарлама бойынша қалпына келуде. Оның халықаралық үзілістен кейін қатарға қосылуы жоспарланған.

Жеті турдан кейін «Бернли» үш ұпаймен турнир кестесінің соңғы, 24-орнында тұр. Ал 14 ұпай жинаған «Суонси» екінші орынға көтерілді.