Демалыс маусымы: Қазақстанда Алакөлге қосымша пойыздар іске қосылады

Демалыс кезеңінде қазақстандықтар сапарға жиі шығады: бірі демалуға аттанса, енді бірі туыстарына. Осы жазда қандай қосымша рейстер іске қосылатынын "Жолаушылар тасымалы" АҚ-дан білдік, толығырақ – Tengri Travel.

Демалыс кезеңінде қазақстандықтар сапарға жиі шығады: бірі демалуға аттанса, енді бірі туыстарына. Осы жазда қандай қосымша рейстер іске қосылатынын "Жолаушылар тасымалы" АҚ-дан білдік, толығырақ – Tengri Travel.

Бағыттар

Тасымалдаушының баспасөз қызметі мәліметінше, жазғы маусымға қарай 13 маусымдық бағыт қосылады.

Оның 9-ы Қазақстанның түрлі қалаларынан Алакөлге қатынайды:

№ 254/253 Астана – Достық; № 207/208 Алматы-2 – Достық; № 221/222 Алматы-2 – Достық; № 211/212 Алматы-2 – Достық; №457/458 Семей – Достық; №459/460 Өскемен – Достық; №21/6942/6941/22 пойыздарының құрамында Алматы – Достық бағытында; №21/6942/6941/22 пойыздары құрамында Қызылорда – Достық; №31/6942/6941/32 пойыздары құрамында Павлодар – Достық.

Ел ішіндегі сұранысқа ие бағыттар бойынша тағы 4 пойыз қосылады:

№ 201/202 Астана – Алматы; №203/204 Астана – Шымкент; №219/220 Қарағанды – Балқаш; №205/206 Астана – Ақтөбе.

Сондай-ақ компания 1 мен 6 мамыр аралығында "Алматы – Түркістан – Самарқанд – Ташкент – Алматы" бағыты бойынша Keruen Express халықаралық туристік пойызы қатынайтынын атап өтті.

Ұлттық тасымалдаушы жазда пойыз билеттерінің құны өзгеріссіз қалатынын, яғни тарифтер бұрынғы деңгейде сақталатынын еске салды.

Google News арқылы жаңалықтарымызды қадағалаңыз

Жазылу