Денсаулық сақтау министрлігі Қазақстандағы дәрі дәрмек бағасының өсуі туралы хабарламаларға жауап берді

Денсаулық сақтау министрлігі еліміздің 20 өңірінде жүргізілген мониторинг нәтижесі бойынша 2026 жылғы наурызда 2025 жылғы маусыммен салыстырғанда 631 атау бойынша дәрі-дәрмек бағасы орта есеппен 24,6 пайыз төмендегені тіркелді деген ақпарат жариялады, деп хабарлайды TengriHealth министрліктің баспасөз қызметіне сілтеме жасап.

Денсаулық сақтау министрлігі еліміздің 20 өңірінде жүргізілген мониторинг нәтижесі бойынша 2026 жылғы наурызда 2025 жылғы маусыммен салыстырғанда 631 атау бойынша дәрі-дәрмек бағасы орта есеппен 24,6 пайыз төмендегені тіркелді деген ақпарат жариялады, деп хабарлайды TengriHealth министрліктің баспасөз қызметіне сілтеме жасап.

Денсаулық сақтау министрлігі не дейді?

Бұған дейін біз Ranking.kz-ке сілтеме жасай отырып, Қазақстанда дәрі-дәрмек бағасының өсімі жеделдегені туралы материал жариялаған едік. Ұлттық статистика бюросының деректерін талдаған мамандар осындай қорытындыға келген.

"Кейінгі айларда бағаның өсу қарқынының жалпы төмендеуі фонында, керісінше, фармацевтикалық өнімдердің жедел қымбаттауы тіркеліп отыр", - деп сарапшылардың мәліметтерінен үзінді келтірілген.

Олар баға өсімі бойынша ең жоғары динамика көрсеткен үш препаратты мысалға келтіреді: парацетамол (жылына 53,8 пайыз), белсендірілген көмір (66,5 пайыз) және ацетилсалицил қышқылы (52,2 пайыз).

Денсаулық сақтау министрлігі, керісінше, препараттардың едәуір бөлігі арзандады немесе олардың құны бұрынғы деңгейде қалды деп мәлімдеді. Ведомство мәліметінше, 1700-ден астам рецептісіз берілетін препарат мемлекеттік реттеуге жатпайды - олардың құны нарықта қалыптасады.

"Олардың ішінде 2025 жылмен салыстырғанда бағасы 5-тен 15 пайызға дейін аздап өскен дәрілер бар, кейбір позициялар 11 пайызға дейін төмендеу байқалады", - деп хабарлады баспасөз қызметі.

Мысалы:

парацетамол (20 таблетка) 2025 жылғы 200 теңгеден 2026 жылы 188 теңгеге дейін арзандады (баға 6 пайыз төмендеді), белсендірілген көмір 130-дан 144 теңгеге дейін қымбаттады (өсім 9 пайыз).

"Жекелеген дәрі атаулары бойынша бағаның 52 пайыздан 66 пайызға дейін өсуі туралы мәлімет расталмайды", - деді министрлік өкілдері.

Қай препараттар арзандады, қайсы қымбаттады?

Денсаулық сақтау министрлігі қазір мемлекет дәріханаларда сатылатын бес мыңға жуық дәрі-дәрмектің бағасын реттейтінін атап өтті. Бұл тізімге жүрек-қан тамырлары, тыныс алу жүйесі ауруларын, инфекцияларды және басқа да кең таралған жағдайларды емдеуге арналған препараттар кіреді.

"Фармацевтикалық қызмет субъектілері дәрілік заттарды белгіленген шекті бағадан асырмай сатуға міндетті", - делінген хабарламада.

Министрлік бұл дәрілердің жартысынан астамы тұрақты бағаны сақтап қалғанын, ал шамамен төрттен бірі арзандағанын хабарлады.

Сондай-ақ кепілдендірілген тегін медициналық көмек көлемі және МӘМС жүйесі аясында үш мыңнан астам препарат ҚҚС-тан босатылғаны еске салынды.

Олардың ішінде әлеуметтік маңызы бар ауруларға арналған 1200-ге жуық дәрі бөлшек саудада да ҚҚС-тан босатылған.

Google News арқылы жаңалықтарымызды қадағалаңыз

Жазылу

Дәрі-дәрмек

Баға

Денсаулық сақтау министрлігі

дәріхана