Депутат Төтенше жағдайдан кейін Алматы метросын тексеруді талап етті

Сенат депутаты Ғалиасқар Сарыбаев жақында станциялардың бірінде болған түтіндеу оқиғасынан кейін Алматы метросына толық тексеру жүргізуді талап етті. Сенатор тиісті сауалды премьер-министр Олжас Бектеновтің атына жолдады, - деп хабарлайды Tengrinews.kz.

Сенат депутаты Ғалиасқар Сарыбаев жақында станциялардың бірінде болған түтіндеу оқиғасынан кейін Алматы метросына толық тексеру жүргізуді талап етті. Сенатор тиісті сауалды премьер-министр Олжас Бектеновтің атына жолдады, - деп хабарлайды Tengrinews.kz.

Не болды?

Осыдан бір апта бұрын Алматы метросында түтін шығып, жолаушылар вагондардан эвакуацияланған болатын. Депутаттың айтуынша, бұған техникалық ақау себеп болған. Оқиға дер кезінде оқшауланғанымен, жүйеге түсетін жүктеменің артуы аясында бұл жағдай алаңдаушылық туғызады.

Сенатор бұл оқиға метрополитен жүйесіндегі ықтимал технологиялық және пайдалану тәуекелдерін көрсетеді деп есептейді.

"Мұндай оқиға дерегінің өзі жүйелі бағалауды қажет ететін ықтимал технологиялық және пайдалану тәуекелдерінің бар екенін айғақтайды", - деді Ғалиасқар Сарыбаев.

Алматы метрополитені - Қазақстандағы жалғыз метро. Депутаттың мәліметінше, жыл сайын метро қызметін 26 миллионнан аса жолаушы, ал күн сайын 100–120 мыңнан аса адам пайдаланады. Таяу уақытта желіні кеңейту, соның ішінде "Қалқаман" станциясын аяқтау және желіні ұзарту жоспарланған.

Мәселе неде?

Депутат Сарыбаевтің пікірінше, пойыздарды жаңарту кезіндегі тәуекелдер ерекше назар аудартады, әсіресе қолданыстағы Hyundai Rotem басқару жүйесін ескере отырып.

ОБСУЖДАЕТСЯ СЕЙЧАС

Медалін шешуді ұмытып кеткен қазақстандық спортшы әуежайда қызық жағдайға тап болды

Кеше 08:10 1

Ол туындауы мүмкін мәселелердің қатарында мыналарды атап өтті:

пойыздардың технологиялық тұрғыдан үйлеспеуі, қозғалыс кестесінің бұзылуы, пайдалану барысындағы қателердің артуы, қызмет көрсету шығындарының көбеюі, метроның үздіксіз жұмысына төнетін қауіптер.

"Көліктің басқа түрлеріне қарағанда, метрополитеннің резервтік баламалары жоқ. Оның жұмысындағы кез келген іркіліс ондаған мың жолаушыға тікелей әсер етіп, қаланың бүкіл көлік жүйесінің қызметіне ықпал етеді. Метрополитеннің жұмыс істеу мәселелерінде тек экономикалық тиімділікті ғана басшылыққа алуға болмайтынын атап өтуді принципті түрде маңызды деп санаймын", - деді сенатор Сарыбаев.

Оның сөзінше, қысқа мерзімді үнемдеу ұзақ мерзімді жағымсыз салдарға әкеп соқтыруы мүмкін.

Депутат не ұсынады?

Сенатор Сарыбаев үкіметтен Алматы метросындағы түтіндеу себептерін кешенді түрде тексеруді сұрайды. Бұдан бөлек, депутат жылжымалы құрамды жаңарту кезіндегі тәуекелдерді - қауіпсіздік, үйлесімділік және жұмыс тұрақтылығы тұрғысынан бағалау қажет екенін мәлімдеді. Техника сатып алу кезінде қолданыстағы жүйемен толық үйлесімділікті қамтамасыз етіп, сапа мен қауіпсіздікке басымдық беру керек.

Депутаттың пікірінше, бұл жерде мәселе жай ғана пойыздарды сатып алуда емес, стратегиялық маңызды нысанның қауіпсіз жұмыс істеуінің ұзақ мерзімді моделін қалыптастыруда болып отыр.

Google News арқылы жаңалықтарымызды қадағалаңыз

Жазылу