Димаш туралы деректі фильм

Әлемге әйгілі әнші, Қазақ­станның халық әртісі Димаш Құдайберген туралы дерек­ті фильм 30 мамыр күні Испания астанасы Мадрид қаласында алғаш рет көрерменге жол тартпақ. «Al compás de su voz» (Оның дауыс ырғағымен) деп аталатын бұл туындының бас­тамашысы – испания­лық жанкүйерлер, ал жүзеге асырушысы – «Dimash Qudaibergen Fan Club Oficial Spain-La Gran Voz Kazaja» қауымдастығы. Фильмнің премьерасы Мадридтің Hortaleza ауданындағы «Palacio de Hielo» кешенінде өтпек.

Аталған жоба жұмысы 2024 жылдың қазан айында басталып, шамамен екі жылға жуық уақытты қамтыған. Деректі фильм­ге

20 сағаттан астам бейнематериал, архивтік жазбалар, фотосуреттер мен сұхбаттар енгізілген. Туындыда әлемнің әр түкпірінен жиналған бес жанкүйердің жеке оқиғалары баяндалады. Ав­тор­лар олардың әншімен рухани байланысын, сондай-ақ Димаш­тың халықаралық фан-қоғамдас­тығы ішіндегі ерекше атмосфераны көрсетуге тырысқан. 

Осы жаңалықты естіген соң, әлеуметтік желіден испа­ния­лық кинематографист Давид Коллантес Родригеске хабарластық. Оның айтуынша, фильмнің басты идеясы – Димаш­тың өнері миллиондаған адам­ның өміріне қалай әсер еткенін көрсету болмақ. «Бұл жобада әрбір жанкүйердің жеке тарихы арқылы ортақ бір құбы­лысты, өнердің адамдарды бірік­тіру күшін ашуды көздедік. Әр адамның Димашпен танысуының өз тарихы бар. Бұл – менің алғаш­қы толық­метражды жұмы­сым. Ал ал­ғашқы дүниелер әрдайым ерек­ше болады», дейді ол.  

Фильмде Димаштың Ис­па­ниядағы алғашқы кон­­цер­ті (Барселона, қараша айы), сондай-ақ 50 елден келген 700-ден астам жанкүйер қатысқан арнайы кездесулер де қамтылған. Авторлар туынды арқылы әнші шығар­машы­лығын кеңінен насихаттап, оны шын мәнінде жаһандық мәдени феномен ретінде танытуды мақсат етеді.

Соңғы жаңалықтар

Бүгінгі теңге бағамы қандай?

Қаржы • Бүгін, 09:13

Фарабитанудың елеулі белесі

Ғылым • Бүгін, 08:45

Атажұрттан Анадолыға дейін

Көрме • Бүгін, 08:43

Шағатай әдебиеті

Таным • Бүгін, 08:40

АҚШ-Иран: Уақытша мәміле бейбітшілікке бастаса игі

Әлем • Бүгін, 08:35

Дәулескерлер туралы тың ізденіс керек

Ғылым • Бүгін, 08:30

Оралда көпір құрылысы басталады

Құрылыс • Бүгін, 08:25

Димаш туралы деректі фильм

Өнер • Бүгін, 08:23

Ақылы жол: Тариф өсті, сапа қайда?

Мәселе • Бүгін, 08:20

Маңызды мүдделестік

Пікір • Бүгін, 08:15

Кіріс артып, инфляция төмендеді

Инфляция • Бүгін, 08:10

Оғыз өркениетін ұлықтаған көрме

Саясат • Бүгін, 08:08

Туристік маусымға әзірлік жайы талқыланды

Туризм • Бүгін, 08:05

Сенатор Моңғол елшісімен кездесті

Саясат • Бүгін, 08:02

Халықаралық қаржы ұйымдарымен серіктестік нығаяды

Саясат • Бүгін, 08:00

Барлық жаңалықтар