Димаштың қарындасы төркініне оралды: Туғандары оны ерекше қарсы алды (ВИДЕО)

Әнші Димаш Құдайбергеннің қарындасы Раушан Құдайберген ұзатылғаннан кейін алғаш рет төркін жұртына қонаққа барып, сол сәтті өзінің Instagram парақшасында жариялады, деп хабарлайды Arasha.kz.

Бейнежазбада Раушанды ата-анасы мен туыстары қуанышпен қарсы алып, дастархан жайып, құшақ жая амандасқаны көрінеді. Әлеуметтік желі қолданушылары бұл сәтке сүйсініп:
«Қыздың төркінге оралуы – әр ананың арманы», «Жаңа өмір бастаса да, ата-анасын ұмытпағаны қуантады» деген пікірлер қалдырды.

Ең әсерлі сәттердің бірі – туыстарының «Раушан гүлім» әнін орындауы болды. Бұл тосын сый көпшіліктің жүрегіне әсер етіп, жылы пікірлерге себеп болды.

Еске салайық, Раушан Құдайберген жуырда тұрмысқа шығып, ұзатылу тойы әлеуметтік желілерде кеңінен талқыланған еді. Қазір желі қолданушылары жас келіннің жаңа өміріне байланысты жаңалықтарды үлкен қызығушылықпен бақылап отыр.