Дүние жүзіндегі қолданушылар ChatGPT және басқа да нейрожелілердің жұмысындағы ақаулар туралы хабарлауда

Сәрсенбі күні кешке бүкіл әлем бойынша пайдаланушылар ChatGPT, Claude, Grok, Google Gemini және басқа да нейрожелілер сияқты ЖИ сервистерінің жұмысындағы ақаулар туралы хабарлады, - деп хабарлайды Tengri Life.

Сервистер мәліметінше, онмыңдаған шағым түсіп жатыр. Қолданушылар хабарлама жібере алмай, жауап ала алмай отыр: чаттарды пайдалану әрекеті кезінде қате шығады.

Жаппай іркілістерді Downdetector мониторинг деректері растайды. Шағымдардың басым бөлігі түрлі ақау туралы – олар жалпы өтініштердің 46 пайызын құраған. Тағы 38 пайыз пайдаланушы сервистің толық істен шыққанын айтып отыр. Пайдаланушылардың жеті пайызы сайт жұмысындағы кемшіліктерді атап өтсе, тағы соншасы жеке кабинетпен жұмыс істеу кезінде қиындықтарға тап болған.

Ақаулар туралы хабарламалар әртүрлі елден түсті. Іркіліс байқалған аймақтардың қатарында АҚШ, Қазақстан, Ресей (Мәскеу мен Петербург), Нидерланды, Германия және Ұлыбритания бар.

Сонымен қатар Fortnite компьютерлік ойынының жұмысында да іркіліс болған.

Google News арқылы жаңалықтарымызды қадағалаңыз