ЕАЭО, ШЫҰ және ТМД ортақ диалог алаңын құруы мүмкін

АСТАНА, 22 маусым – Sputnik. Еуразиялық экономикалық комиссияның (ЕЭК) энергетика және инфрақұрылым министрі Арзыбек Кожошев Шанхай ынтымақтастық ұйымына (ШЫҰ) мүше мемлекеттердің энергетика министрлерінің 6-шы кездесуінде ЕАЭО, ШЫҰ және ТМД арасында энергетика бойынша тұрақты диалог алаңын ұсынды.

"Біздің күн тәртібіміз айтарлықтай сәйкес келеді. Оларға энергетикалық қауіпсіздік, энергетикалық жүйенің тұрақтылығы, энергетикалық нарықты интеграциялау, саланы цифрландыру және бірлескен инфрақұрылымдық жобаларды іске асыру кіреді. Сондықтан біздің халықаралық ұйымдарымыз арасында тұрақты және мағыналы диалог жүргізу қажеттілігі туындайды", - деді Арзыбек Кожошев.

Оның айтуынша, мұндай диалог ұйымдар үшін пайдалы болады, іс-шаралардың қайталануын болдырмайды және бірлескен шешімдерді әзірлеуді жеделдетеді және энергетикалық ынтымақтастыққа қосымша серпін береді.