ЕҚЫҰ Украина бойынша диалог алаңын ұсына алмайды ұйымның тұрақты өкілі

АСТАНА, 16 мамыр – Sputnik. ЕҚЫҰ қазіргі жағдайда Украинадағы дағдарысты реттеу бойынша қандай да бір диалог алаңын ұсына алмайды. Бұл туралы РИА Новости агенттігіне Ресейдің ЕҚЫҰ жанындағы тұрақты өкілі Дмитрий Полянский мәлімдеді.

Оның айтуынша, ЕҚЫҰ мен оның қазіргі төрағасы болып отырған Швейцария "ұйымның Украинадағы дағдарысты реттеу процесінде қандай да бір рөл атқарғанын қалайды".

"Бірақ ЕҚЫҰ қазіргі жағдайда қандай да бір диалог алаңын ұсына алмайды. Бұл, шын мәнінде, Ресейге жаппай қысым көрсетуге ұмтылатын Еуроодақ делегацияларының басым көпшілігінің жиынтығы ғана. Қазіргі ЕҚЫҰ-ның сипаты дәл осындай", — деді ол РИА Новости агенттігіне.

Полянскийдің сөзінше, бейтарап ұстанымды сақтауға тырысатын жекелеген елдер бар. Бірақ олар ЕҚЫҰ-дағы басым күш емес және "көп жағдайда өз ұстанымдарын ашық білдірмейді әрі көзге түсе бермейді".

Дипломат сондай-ақ Украинадағы реттеу мәселесіне қатысты үшжақты келіссөздер үдерісі бар екенін атап өтті. Оның айтуынша, бұл формат "ешқандай жағдайда Еуропаны қамтымаған, ал ЕҚЫҰ туралы тіпті сөз де болған жоқ".