Ел азаматтарының 87,1 пайызы жаңа Конституцияны қолдады

Қазақстанда өткен республикалық референдумның қорытындысы бойынша жаңа Конституция қабылданды. Бұл туралы Орталық сайлау комиссиясының төрағасы Нұрлан Әбдіров Астанада өткен комиссия отырысында ресми түрде мәлімдеді. Оның айтуынша, жарияланған қорытынды нәтижелер бұған дейінгі алдын ала деректермен толық сәйкес келеді, деп хабарлайды Egemen.kz.

2026 жылғы 15 наурызда өткен жалпыұлттық референдумда дауыс берген қазақстандықтардың басым бөлігі ұсынылған конституциялық өзгерістерді қолдаған. Нақтырақ айтқанда, дауыс беруге қатысқан азаматтардың 87,1 пайызы жаңа Конституция жобасына «иә» деп жауап берген. Жалпы алғанда, референдумға 9,1 миллионнан астам адам қатысқан, олардың 7,9 миллионы өзгерістерді қолдаса, 898 мыңнан астам азамат қарсы дауыс берген. Сонымен қатар 127 868 бюллетень жарамсыз деп танылған.

Түркия Қазақстандағы конституциялық референдумды құптады

ОСК төрағасы атап өткендей, референдум нәтижелері заңды деп танылып, жаңа Конституция қабылданды. Тиісті шешім жақын арада ресми басылымдарда жарияланады.

Дауыс беру күні ел бойынша түрлі мәселелерге қатысты 35 өтініш тіркелген. Олардың басым бөлігі Астана қаласында (11 өтініш) тіркелсе, Алматы қаласында – 6, Маңғыстау облысында – 4 өтініш түскен. Сондай-ақ Шымкент қаласы, Абай және Қызылорда облыстарында үш-үштен өтініш қаралған. Ал Алматы, Ақмола, Шығыс Қазақстан, Жамбыл және Павлодар облыстарында бір-бір өтініштен тіркелген.

Өтініштердің мазмұны негізінен референдумның тәртібі, дауыс беру процесі, сайлау учаскелерін ауыстыру, дауыс беру орындарының орналасуы мен заң бұзушылықтарға қатысты болған. Территориялық комиссиялар 33 өтінішке қолданыстағы заңнамаға сәйкес түсініктеме беріп, жауап қайтарған.

Референдумның алдын ала нәтижелері жарияланды

Сонымен қатар дауыс беру күні сот органдарына екі талап-арыз жолданған. Оның бірі Ақтөбе облысында Брайль қарпімен жазылған трафареттің оқылмауына қатысты болса, екіншісі Астанадағы учаскеде бақылаушыны шығару шешіміне байланысты болған. Алайда сот қарауы барысында екі іс бойынша да талаптар негізсіз деп танылып, қанағаттандырудан бас тартылған.

«AMANAT»: Референдум ұлтымызды ұйыстырды

Жалпы алғанда, тіркелген өтініштер мен жекелеген ескертулер референдумның өту барысына және оның қорытынды нәтижелеріне айтарлықтай әсер етпеген. Барлық мәселелер заң талаптарына сәйкес қаралып, тиісті шешімдер қабылданған.

Референдумда 17514 адам есептен шығару куәліктерін алған. Осы адамдардың 16 594-і (94,7%) дауыс беруге келген.

Соңғы жаңалықтар

Көктемнің лебі сезіледі: Оңтүстікте 20 градусқа дейін күн жылынады

Ауа райы • Бүгін, 10:28

Шаңырақ күні: Бүгін елордада қандай іс-шаралар өтеді?

Наурызнама • Бүгін, 10:15

Қай өңірлерде жол жабық тұр?

Ауа райы • Бүгін, 09:52

Ормұз бұғазы: Иран шарт қойды, әлем энергетикасы алаңдаулы

Саясат • Бүгін, 09:44

Бүгінгі теңге бағамы қандай?

Қаржы • Бүгін, 09:40

Жанкүйерлер Ербол Хамитовты әуежайда салтанатты түрде қарсы алды

Спорт • Бүгін, 09:31

«Жасыл» энергия – жаһан үдерісі

Энергетика • Бүгін, 09:00

Баспана бәсекесі: бақ шаба ма, бап шаба ма?

Ипотека • Бүгін, 08:55

Ұлыс пен ырыстың негізі

Наурызнама • Бүгін, 08:50

ОРК: Жаңа Конституцияны қолдағандар – 87,15 пайыз

Референдум • Бүгін, 08:48

Қарлығаш – құт-береке рәмізі

Наурызнама • Бүгін, 08:45

Тәуелсіз байқаушылар: Елдік шара заңнама талабына сай

Референдум • Бүгін, 08:43

Кемел әулетінің кемеңгері

Қоғам • Бүгін, 08:40

Тарихи кезеңмен тұспа-тұс келген Наурыз

Мереке • Бүгін, 08:38

Жарыс күнделігі

Спорт • Бүгін, 08:35

Барлық жаңалықтар