Ел тұрғындары 15 желтоқсанға дейін қандай есептерді өткізуі керек?

Елімізде салық төлейтін азаматтар желтоқсан айында салық есептерін уақытылы тапсырып, бюджетке міндетті төлемдерді төлеуі қажет. Есептерді дер кезінде өткізу арқылы азаматтар өсімпұлдар мен өзге де жағымсыз жайттардың алдын алады, деп жазады Egemen.kz.

Фото: kaztag.kz

15 желтоқсанға дейін тапсырылуы тиіс есептер: 

400.00 және 421.00 нысандары – қазан айының акциз бойынша декларация және құрылымдық бөлімшелер немесе объектілері бойынша есебі.

22 желтоқсан:

328.00 нысаны – қараша айындағы тауарларды әкелу және жанама салықтарды төлеу туралы өтініш.

31 желтоқсан:

101.02 нысаны – 2025 жылдың корпоративтік табыс салығы (КТС) бойынша аванстық төлемдердің қосымша есебін тапсырудың соңғы мерзімі. Төлемдер:

22 желтоқсан:

Қараша айына Еуразиялық экономикалық одақ (ЕАЭО-да) ҚҚC; Қараша айына акциз, ЕАЭО-дан импортталған тауарларды қоса алғанда.

25 желтоқсан:

Желтоқсан айына КТС бойынша аванстық төлемдер; ⁠Қараша айында төленген табыстардан төлем көзінен ұсталған КТС, жеке табыс салығы (ЖТС); Қараша айында төленген табыстардан КТС, ЖТС; Қараша айына арнайы мобильді қосымшаны қолдана отырып арнайы салық режимдерін қолданатын жеке кәсіпкер табыстарынан ЖТС; Радиожиіліктер спектрін пайдалану, жер учаскелерін пайдалану, сыртқы (визуалды) жарнама орналастыру, жекелеген қызмет түрлерімен айналысуға арналған лицензияны пайдалану, сондай-ақ қалааралық және (немесе) халықаралық телефон байланысын, сонымен бірге ұялы байланысты көрсету үшін төлемдер; Қараша айына бірыңғай төлем, әлеуметтік салық, әлеуметтік аударымдар, МӘМС бойынша жарналар мен аударымдар, міндетті зейнетақы жарналарын (МЗЖ), міндетті кәсіптік зейнетақы жарналарын (МКЗЖ), жұмыс берушінің зейнетақы жарналары (ЖБМЗЖ).