Елде мигранттарды тіркеу жеңілдеді

Елде мигранттарды тіркеу бұрынғыдан жеңілдеді. Шетелдік қонақтардың қозғалысын миграциялық процестерді есепке алудың Біртұтас цифрлық платформасынан бақылауға болады. Портал барлық рәсімдерді бір сервиске біріктіргендіктен, мигранттың сапар мақсатын алдын ала білуге, тексерулерді автоматтандыруға және миграциялық ағымдарды болжауға мүмкіндік береді – деп хабарлады Еңбек және халықты әлеуметтік қорғау министрлігі.

Биыл елімізге 12 миллионнан астам шетел азаматы келді. Басым көбі - Өзбекстан, Ресей, Қырғызстан, Қытай және Тәжікстан елдерінен. Олар шекараны туристік немесе транзиттік мақсаттармен кесіп өтті. Уақытша тұруға рұқсат алған 600 мыңнан астам адамның 90%-ы еңбек мақсатында келген. Мигранттардың көбі республикалық маңызы бар қалалар мен батыс және оңтүстік Қазақстан облыстарында тіркелген. 

Әміржан Тәжібаев, ҚР Еңбек және халықты әлеуметтік қорғау министрлігінің миграция мәселелері жөніндегі бас сарапшысы:

- Қазіргі уақытта портал осы қызметтерді көрсету бойынша байланысты мемлекеттік органдармен интеграция жүргізілген. Бұл портал әрі қарай барлық миграциялық процестерді реттеу үшін жұмыстар жүргізілуде. Азаматтар, шетелдік азаматтар көші-қон процестеріне қатысамыз деген шетелдік жұмыс күші ретінде немесе Қазақстан ішінде көшуді жоспарлап отырған азаматтар осы порталға тіркеліп, ол бойынша ақпарат жинақталып, сол ақпарат негізінде көші-қон процестеріне болжам жасалатын болады.