Елімізде тұрмыстық қатты қалдықтарды өңдеуге қатысты жобаларға салынатын инвестиция көлемі артады

2026 жылдың соңына дейін тұрмыстық қатты қалдықтарды сұрыптау, оны қайта өңдеуге қатысты жобаларға салынатын инвестиция көлемі 185 млрд теңгеге жетеді. Соның нәтижесінде сұрыптау қуатын 2 млн тоннадан 4,3 млн тоннаға дейін, ал қайта өңдеу көлемін 400 мыңнан 1,4 млн тоннаға дейін ұлғайтуға мүмкіндік туады. 

Ірі жобалардың арқасында 5 мыңнан астам тұрақты жұмыс орны құрылады деп жоспарланып отыр. Бұған қоса Абай, Атырау, Ақтөбе, Жамбыл, Батыс Қазақстан, Қарағанды, Қызылорда, Маңғыстау, Павлодар, Солтүстік Қазақстан және Түркістан облыстарында жаңа полигондар салу немесе қолданыстағы қоқыс алаңдарын жаңғырту үшін 21,4 млрд теңгеден астам қаржы қарастырылады. 

Бұл халықтың өмір сүру жағдайын жақсартуға, аурушаңдықты төмендетіп, қоқыс орындарын азайтуға ықпал етеді. Сондай-ақ қалдықтарды қайта өңдеу көлемін арттыруға мүмкіндік береді.