Еліміздің бірнеше қаласында Таза бейсенбі экологиялық акциясы өтті

AMANAT партиясының ұйымдастыруымен өткен шарада Қызылорда облысы Шиелі ауданы тұрғындары «Достық» аллеясын тазаласа, Түркістан облысының Сайрам ауданындағы Ақтан және Көктан ата бұлақтарының басы күл-қоқыстан аршылды. 

Қуаныш Сыздықов, AMANAT партиясы Сайрам аудандық филиалының атқарушы хатшысы:

- Арыс өзенінің бойындағы «Абылайхан» алаңында да тазалық жұмыстарын жүргіземіз. Бұл алаң тарихи маңызы бар орын. Сондықтан оны әрдайым таза, әдемі күйде сақтауымыз керек. Біз осындай акцияларды қолдауға міндеттіміз.