Елордада қандай медициналық нысандар салынады?

Фото: Астана әкімдігі

Әкімнің айтуынша, елорданы барлық бағыт бойынша дамыту жұмысы жүріп жатыр.

«Алдағы жылдары қалада денсаулық сақтау саласының 11 нысаны бой көтереді, олардың арасында көпбейінді аурухана, заманауи 8 емхана және 2 жедел медициналық жәрдем қосалқы станциясы бар. Негізгі міндеттердің бірі – акушерлік және босандыру қызметтерін дамыту. Соңғы он жылда елордада босану көрсеткіші 35 пайызға өсті. Осыған байланысты жаңадан екі перинаталдық орталық салу туралы шешім қабылдадық. Нысандардың бірін 2027 жылы аяқтаймыз. Бұл екі жобаның жүзеге асуы акушерлік төсек-орындарға деген қазіргі қажеттілікті толық қамтамасыз етіп, елордадағы ана мен бала денсаулығын қорғау жүйесін нығайтуға мүмкіндік береді», деп жазған Ж. Қасымбек.

 

Мемлекет басшысының тапсырмасы бойынша Сарыарқа ауданында 300 орынға есептелген көпбейінді аурухананың құрылысы жүріп жатыр.

Астананың елеулі экономикалық өсімі

Астана әкімінің мәлімдеуінше, №2 қалалық көпбейінді аурухананың жанындағы қабылдау-диагностикалық кешенінің құрылысы аяқталуға жақын.

Сол сияқты «Нұрлы жол» вокзалы маңында бір ауысымда 350 адам қабылдайтын жаңа емхана жұмысын бастады.

«Бұдан бөлек, Телман елді мекенінде емхана құрылысы жүріп жатыр. Келесі жылы тағы екі ірі емхананың, сондай-ақ Өндіріс елді мекеніндегі дәрігерлік амбулаторияның құрылысын бастауды жоспарлап отырмыз», деп жазды Жеңіс Қасымбек.

Астанада Қытай мен Орталық Азия жастарын біріктірген E-LIGHT 2026 фестивалі өтті