Елордада Қазақ ұлттық педагогикалық университетінің білім беру институты ашылды

Елордада Абай атындағы Қазақ ұлттық педагогикалық университетінің білім беру институты ашылды.

Оқу ордасында 400-ден астам студент тәлім алады. Олардың басым бөлігі мемлекеттік және әкім грантының иегерлері. Студенттер оқу орны мен қала әкімдігі арасындағы меморандум негізінде елорда мектептерінде тәжірибеден өтеді. Мәселен, былтыр 200-ден астам білім алушы кәсіби дағдыларын жетілдірді. Ғимарат қажетті заманауи құралдармен жабдықталған. Оқу ордасында педагогика, психология, математика және жаратылыстану бағытында мамандар даярланады. Ал келешекте инклюзия саласына да назар бұрмақ. 

Болат Тілеп, Абай атындағы ҚазҰПУ ректоры:

- Алдағы уақытта бұл жұмыс орнына байланысты біздің жоспарларымыз көп. Атап айтқанда, білім басқармасының сұрауымен жалпы Астана қаласындағы инкюзиялық білім. Дефектология бойынша маман даярлауды жүйелі түрде қолға алатын боламыз. Осы ретте осы білім институтының жанынан арнайы реабилитациялық орталық яғни біздің ғалымдарымыздың ғылым мамандарының осы өздерінің ізденістерін іс жүзінде практикалық тұрғыда іскі асыратын жақсы орталық ашқымыз келеді. 

Ералы Кенжебаев, студент:

- Бірінші жыл Гумилев атындағы университетте оқыған едік. Осы жылдан біздің университет ашылғаннан барлығы қалпына түсіп, барлық бала бір-бірімен тату, аз болғандықтан да білім деңгейі сапалы болып жатыр.