Енді Үшарал Достық тасжолында жүргізушілерді лазер сүйемелдейді

Жетісу облысында жол қозғалысы қауіпсіздігін арттыруға бағытталған заманауи шешімдерді енгізу жалғасып жатыр. Осындай бастамалардың бірі — Үшарал–Достық бағытындағы республикалық маңызы бар автожолда лазерлік сүйемелдеу технологиясын қолдану.

Жол жабынына проекцияланатын лазерлік сызықтар айқын визуалды бағдар беріп, жүргізушілерге өз жолағын дұрыс ұстауға және ұзақ жолда назарын жоғалтпауға көмектеседі.

Посмотреть эту публикацию в Instagram

Публикация от Жетісу Облысының Полиция Департаменті (@zhetysu.police)

Аталған технология әсіресе түнгі уақытта тиімділігін көрсетеді. Лазер сәулесінің айқын түсі жүргізушінің шаршауын азайтып, рөлде қалғып кету қаупін төмендетеді — бұл қала сыртындағы жолдарда жиі кездесетін қауіпті факторлардың бірі.

Полицияда атап өткендей, мұндай шешімдерді енгізу — жол-көлік оқиғаларын азайту және жүргізу мәдениетін арттыру бойынша жүйелі жұмыстың бір бөлігі.

— Жолдағы қауіпсіздік — бұл тек бақылау мен жауапкершілік қана емес, сонымен қатар заманауи технологияларды енгізу, — дейді тәртіп сақшылары.

Осыдан бұрын Жетісуда мал ұрлағандар көлігінен айырылып жатқанын жазғанбыз.