Оқушылар лазер арқылы ақпарат жеткізеді

Ақпаратты лазер арқылы жеткізуге болады. Қызылордалық оқушылар осындай құрылғы жасаған. 

«Бұл технология маңызды мәліметті қауіпсіз әрі жылдам жеткізу үшін маңызды», - дейді жас ізденушілер. Олар бұл зерттеу арқылы ғарыш және әскери саланың да дамуына үлес қосуға ниетті.  

11 сынып оқушылары Ерасыл мен Әділхан лазер арқылы ақпарат жеткізетін құрылғыны бір жылда жасап шыққан. Оларға бұл идея фантастикалық әскери фильмді тамашалағаннан кейін келген. «Қазір олар құрастырған аппарат арқылы жобаның маңызды әрі өміршең екені дәлелін тапты», - дейді жас ізденушілер.

Ерасыл Айдарбек, оқушы:

- Бұл жағдайда фотондар, яғни жарық бөлшектері дыбыстық сигналдың жиілігін кішірейтеді. Яғни амплектудасын кішірейтеді. Соның арқасында ақпарат көбірек сияды және қарапайым радиожелі және микротолқынға қарағанджа тезірек жетеді. 

Оқушылар қазір құрылғының мүмкіндіктерін кеңейтіп жатыр. Олар жуырда ғылыми жобалар байқауының республикалық кезеңінде бақ сынайды.

Әділхан Торғай, оқушы:

- Әлеуметтік желілерде көптеген ақпаратты тартып алып, қоқан лоқы көрсетеді. Ал лазер арқылы осындай хакерлердің мүмкіндіктерін тоқтатады деп есептейміз. Лазердің толқын ұзындығы радиотолқынға қарағанда азырақ. Яғни бұл әскери сала үшін өте маңызды, яғни әскери салада ақпарат жіберетін кезде оны тартып ала алмайды. Яғни бұл қауіпсіздігін де көрсетеді. 

Әділжан Науан, ғылыми жоба жетекшісі:

- Елімізде қазіргі уақытта ғарыштық технологияда лазер сәулесін пайдалануда бірінші болып осы оқушылар зерттеп жатыр. Бұл технологияны ғарыштық салада қолданса, тиімді болады. Қазір сол мәселені оқушылар өздері зерттеп және сол жөнінде сала мамандарымен жоғары оқу орындарында бірге жұмыс жасап, зерттеулерін жалғастырып жатыр. 

Ерасыл болашақта астролог болуды армандайды. Ал Әділханның таңдауы аэроғарыш инженеріне түскен. Олар ақпарат алмасудың экономикалық тиімді әрі қауіпсіз жолдарын зерттеп, ел дамуына үлес қосуға ниетті. 

Авторлары: Нұрлан Жақыпбеков, Ақан Әлиев