Германиядан келген туристерге Қазақстан полициясының көмегі қажет болды

Қазақстанға саяхаттап келген Германия азаматтары Атырау облыстық полиция департаментінің көші-қон қызметіне жүгінді. Олар елімізде рұқсат етілген болу мерзімінен асып кеткендіктен, елден шығу үшін арнайы виза рәсімдеуі қажет болған, - деп хабарлайды Tengri Travel Polisia.kz сайтына сілтеме жасап.

Көші-қон қызметкерлері шетелдік туристерге қажетті құжаттарын қалпына келтіріп, елден шығу визасын рәсімдеуге көмектесті.

"Нәтижесінде барлық қажет құжат бір тәулік ішінде рәсімделіп, шығу визасы дайындалды. Көрсетілген жедел көмек пен қолдау үшін шетелдік азаматтар Қазақстан полициясына алғыс айтты", - делінген жарияланымда.

Германиядан келген қонақтар видео жариялады өз оқиғалары туралы айтып, көрсетілген көмек үшін алғыс білдірді.

Бізді Google-дың негізгі дереккөздер тізіміне қосыңыз