Әлеуметтік медициналық сақтандыру қорынан 23,4 млрд теңге қаржылық шығынның алды алынды

АСТАНА, 11 қазан - Sputnik. Қаржы министрлігі Әлеуметтік медициналық сақтандыру қоры министрліктің қарауына берілгеннен кейін оның 9 айлық жұмысын қорытындылады.

Бірінші кезектегі міндет қаржылық шығындардың жолын кесу және қаражаттың мақсатты пайдаланылуын қамтамасыз ету болды, деп атап өтті ведомствода.

Жүргізілген жұмыстың 9 айының қорытындысы бойынша қаржыландырудың ағып кету арналары анықталып, жабылды, 23,4 млрд теңгеге қаржылық шығындардың алды алынды.

"Қозғалған қылмыстық істер шеңберінде жеткізушілерге заңсыз төленген 7,9 млрд теңгеден астам қаражат қайтарылады", - делінген хабарламада.

Ведомство жасанды интеллект негізіндегі антифродты қоса алғанда, жаңа құралдарды қолдану ақша аударғанға дейін бұзушылықтардың белгілерін анықтауға және негізсіз төлемдердің алдын алуға мүмкіндік беретінін атап өтті.

"Сақталған және қайтарылған қаражат медициналық көмекке ақы төлеуге бағытталған. Қаржы министрлігі үшін бақылау нәтижесі клиникалар жұмысындағы нақты өзгерістерде және емдеудің қолжетімділігінде көрініс табуы қағидатты", - делінген хабарламада.

Алғашқы өзгерістер қазірдің өзінде жүріп жатыр және медициналық ұйымдар қаржыландыру ағынын сезінді, деп хабарлады Қаржы министрлігі.

Ведомство медициналық ұйымдарға желілік шкаланы қолдану түрінде көмек көлемінің шектеулерінен кезең-кезеңімен кетуді ұйымдастырды.

Бұл халыққа жоспарлы көмек көрсету мүмкіндіктерін кеңейтеді және ауруханалардың кредиторлық берешегін төмендетуге ықпал етеді. Қор қарыздың жалпы сомасын белгілеуден оның әрбір проблемалық клиника бойынша пайда болу себептерін талдауға көшті", - деп атап өтті Қаржы министрлігі.

Ел бойынша, ведомствода нақтыланғандай, мерзімі өткен кредиторлық берешегі бар 68 медициналық ұйым анықталды.